भांगरभूंय | प्रतिनिधी
भांगरभूंय । प्रतिनिधी
दिवचलः दिवाळे निमतान दिवचलच्या मार्केटांत म्हाका नाका प्लास्टिक उपक्रमा खाला प्लास्टिक विरोधी जाग्रुताय करून कापड्याच्या सुमार एक हजार विशव्यांचें वांटप केलें. बाजारांत येवपी लोकांनी प्लास्टिकाचो वापर पुरायपणान बंद करपाचें आवाहन नगराध्यक्ष कुंदन फळारी, पर्यावरण मोगी राजेंद्र केरकार हांणी केलें. पर्वरेच्या सेंद्रीय कड्डन आनी हेर वस्तूंची विक्री करपी वाहनांतल्यान लोकांक ह्या पिशव्यांतल्यान जिनस दिले.
कुंदन फळारी हांणी प्लास्टिक विरोधी अभियाना खातीर तशेंच शार वाठार नितळ दवोरपा खातीर हांतांत घेतिल्ले येवजणेची म्हायती दिली. जोन्हा फर्नांडीस हांणी झिरो कोयर रिक्शांतल्यान सेंद्रीय कड्डन आनी हेर जिनस विक्री खातीर उपलब्द करून म्हाका नाका प्लास्टिक मोहीम सुरू केली. सस्टेनेबल अर्थ संस्थेच्या संजीव खंडेलवाल हांणी प्लास्टिकाक लागून प्रदूशण आनी भलायकेचे हेर प्रश्न उप्रासतात अशें सांगून लोकांक प्लास्टिक वापरचें न्हय अशें आवाहन केलें.
राजेंद्र केरकारान कसलेच तरेचो कोयर जावचो ना हाची जतनाय घेवची अशें मागलें. लोकांनी कापड्याच्यो पिशव्यो वापरून पर्यावरणाचो सांबाळ करचो. शार कोयर मुक्त करपाचो संकल्प करचो अशें मागलें. कार्यावळींत समृद्धी केरकार, नगरसेवक विजयकुमार नाटेकार, अनिल गोवेकार सयत हेर मानेस्त हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
