दिवचले नारायण झांट्ये महाविद्यालयाच्या विद्यार्थी मंडळाची निवड

भांगरभूंय | प्रतिनिधी

भांगरभूंय । प्रतिनिधी

पणजीः दिवचले नारायण झांट्ये महाविद्यालयाच्या विद्यार्थी मंडळाची निवडणूक प्रा. कृपा मयेकार हांच्या अध्यक्षते खाला जाली. 2022-23 वर्सा खातीर रुम्मान जप्फार शेख हाची सचिव पदा खातीर निवड जाली.

सोनाली गावडे (सांस्कृतीक प्रतिनिधी), अभिषेक सावंत (क्रीडा प्रतिनिधी), प्रणिता साळगांवकार (महिला प्रतिनिधी) हांची हेर पदा खातीर निवड जाल्या.

तशेंच विघ्नेश शिरोडकार (पयले वर्स वाणिज्य “अ”), अक्षय नायक (पयले वर्स वाणिज्य “ब”), हर्षद नायक (पयले वर्स वाणिज्य “क”),  हर्ष गावस (दुसरे वर्स वाणिज्य “अ”) , सबरेन मिर्झा (दुसरे वर्स वाणिज्य “ब”), साहील कुडाळकार (दुसरे वर्स वाणिज्य “क”), अनुश्का बेतकेकार (तिसरे वर्स वाणिज्य “अ”),  दत्ताराम बेतकेकार (तिसरे वर्ष वाणिज्य “ब”), नीरज धुरी (तिसरे वर्स वाणिज्य “क”),  प्रियांशू राय (एम.कॉम भाग-1), अंबिका प्रभू म्हांबरे (एम.कॉम भाग-2) हांची वेगवेगळ्या वर्गांचे प्रतिनिधी म्हूण निवड जाल्या.

प्राचार्य डॉ. राजेंद्र कुंभारजुवेकार हांणी नव्या कार्यकारी मंडळाक मार्गदर्शन करून तांका परबीं भेटयली. तशेच झांट्ये महाविद्यालयाचे अध्यक्ष प्रवीण झांट्ये हांणी विद्यार्थ्याक परबीं भेटयली.

विद्यार्थी मंडळाचे अध्यक्ष प्रा. कृपा मयेकार आनी उपाध्यक्ष प्रा. सिंधुरा मळीक हांच्या मार्गदर्शना खाला विद्यार्थी मंडळ कार्य चालूच उरतलें.

वेंचणूक येसस्वी जावपा खातीर शिक्षणीक कर्मचाऱ्यांनी आनी बिगर शिक्षणीक कर्मचाऱ्यांनी सहकार्य केलें.