दिवचले ‘नादब्रह्म’ संगीत मैफलीक बरो प्रतिसाद
भांगरभूंय | प्रतिनिधी
पणजी ः गोंयांतले समाजीक कार्यकर्ते चैतन्य (सनी) मानकर, फ्रेंड्स क्लब ऑफ लामगांव तशेंच व्होडली क्रीडा आणि सांस्कृतिक मंडळ दिवचल हांच्या जोड पालवान दिवचले ‘नादब्रह्म’ हे लायव्ह संगीत मैफलीचें आयोजन केल्लें. ताका प्रेक्षकांचो उपाट प्रतिसाद लाबलो.
हे संगीतमय कार्यावळींत नामनेचे कलाकार अक्षय नायक, लक्ष्मण नायक आनी गौतमी हेदे हांणी आपल्या सादरीकरणांतल्यान रसिकांचीं मनां जिखलीं. हे कार्यावळीक थळावे नागरीक व्हडा संख्येन हाजीर आसले.
ह्या उपक्रमाच्या आयोजना खातीर इश्ट परिवाराचें मोलादीक सहकार्य लाबलें. हातूंत कृष्णराव (बबलू) राणे, सचिन मयेंकार, अनिकेत ढोबळे, प्रदोष वळवयकार, बंटी नागळे, अॅड. अतुल मस्के, तिलक भोरा आनी गोविंद केंद्रे हांचो सहभाग आसलो. कार्यावळीचें सुत्रसंचालन सलीम शेख हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
