भांगरभूंय | प्रतिनिधी
आमदार डॉ. चंद्रकांत शेट्ये हांणी केली खूबशा येवजण्यांची सुरवात
भांगरभूंय । प्रतिनिधी
दिवचलः दिवचलचे आमदार डॉ. चंद्रकांत शेट्ये हांणी खूबशा उदरगतीच्या येवजण्यांचो दिवचल मतदारसंघांत सुरवात करून दिली.
खारपाल वाठरांत राखणे वणत, लाडफ्यां रस्त्याच्या कामाक सुरवात, व्हाळशे नव्या रस्त्याच्या बांदकामाक सुरवात केली. ह्या वेळार सरपंच पद्माकर मळीक, उपसरपंच तृषा राणे, नरेश गांवस, कृष्णा आरोलकार, तशेंच व्हाळशेंत नगराध्यक्ष कुंदन फळारी, विजय नाटेकार, दीपा शिरगांवकार, रियाज बेग आनी हेर मानेस्त हाजीर आशिल्ले.
मतदारसंघाची सर्वांगी उदरगत करचे खातीर आमी खूबशे प्रकल्प मंजुरी खातीर दिल्यात. पांवड्या पांवड्यार उदरगतीचे प्रक्रियेक चालना मेळटा. मुळावी उदरगत आनी मानवी उदरगती वांगडाच दरेका घरांत समृद्धी हो आमचो संकल्प आसा. उदरगतीचे प्रक्रियेंत मुख्यमंत्री डॉ.प्रमोद सावंत आनी सरकाराच्या सगळ्या घटकांचो आदार मेळटा, अशें डॉ. शेट्ये हांणी सांगलें.
लाटंबार्सेचे सरपंच पद्माकर मळीक हांणी सांगलें, उदरगतीक चालना दिवचे खातीर आमदार डॉ. शेट्ये नेमान फाटपुरवण करता. लोकांक अपेक्षीत आशिल्ली उदरगत जाता, हे खातीर लोक समाधानी आसात. दिवचल पालिका वाठारांत उदरगतीच्यो खूबश्यो येवजण्यो सुरू आसात. लोकांनी तांकां आदार करचो, असो उलो नगराध्यक्ष कुंदन फळारी हांणी मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
