भांगरभूंय | प्रतिनिधी
भांगरभूंय। प्रतिनिधी
दिवचलः दिवचले 18 आनी 19 फेब्रुवारीक सरकारी पांवड्यार अंदू शिवजयंती मनयतले. त्या निमतान मिरवणूक आनी सांस्कृतीक कार्यावळीचें आयोजन केलां. आमदार डॉ चंद्रकांत शेट्ये आनी प्रेमेंद्र शेट हाणी पत्रकार परिशदेंत ही म्हायती दिली.
18 फेब्रुवारीक शिवकालीन किल्लें तयार करपाची सर्त जातली. सांजे 4.30 वरांचेर भेशवण सर्त आनी ते उपरांत बायलां खातीर फुगडी सर्त जातली. 19 फेब्रुवारीक शिवजयंती दिसा दिवचलच्या शांतादुर्गा सर्कल तें नार्वें सप्तकोटेश्वर देवळा मेरेन प्रभात फेरी काडटले. सांजे 4.30 वरांचेर शोभायात्रा आयोजीत केल्या. ह्या वेळार मुख्यमंत्री डॉ प्रमोद सावंत आनी पर्यटन मंत्री रोहन खवंटे हाजीर रावतले.
सांजे मराठी पाऊल पडते पुढे ही सांस्कृतीक कार्यावळ जातली. इतिहासीक नाटकांनी काम करपी नाट्य कलाकारांचो भोवमान करतले. शिवजयंती कार्यावळी खाती चंद्रकांत शेट्ये, प्रेमेंद्र शेट, सचीन देसाय ,कुंदन फळारी, दीपा पळ, सतीश गांवकार, पांडुरंग कोरगांवकार, विजयकुमार नाटेकार, नीलेश टोपले, रियाज बेग,अनिकेत चणेकार, सुदन गोवेकार,दीपा शिरगांवकार,अपर्णा फोगेरी,तनुजा गांवकार,सुखदा तेली, रंजना वायांगणकार, राजेश पाटणेकार, दिनेश आमोणकार आनी जया शिरोडकार हांचो आसपाव आशिल्ली समिती वेंचून काडल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
