भांगरभूंय | प्रतिनिधी
दिवचल, प्रतिनिधी ः दिवचलच्या नगराध्यक्ष पदाचेर विजयकुमार नाटेकार हांची विरोधा विणें निवड जाल्या. साखळे रवींद्र भवनांत मुख्यमंत्री डॉ. प्रमोद सावंत, प्रदेश अध्यक्ष दामू नायक आनी आमदार डॉ. चंद्रकांत शेट्ये हांणी नाटेकार हांकां परबीं भेटयलीं. पुंडलिक (कुंदन) फळारी हांणी 7 तारखेर दिल्लो नगराध्यक्ष पदाचो राजीनामो पालिका प्रशासन खात्यान मंजूर केलें उपरांत हें पद रितें आशिल्लें.
9 डिसेंबराक दिवचलच्या ‘नवो सोमार’ उत्सवाच्या दिसा 9 जाणांच्या गटान कुंदन फळारी हांचे आड अविस्वास थाराव दाखल केल्लो. ह्या थारावाचेर उपनगराध्यक्ष दीपा पळ, नगरसेवक अनिकेत चणेकार, निलेश टोपले, सतीश गांवकार, तनुजा गांवकार, दीपा शिरगांवकार, अॅड. रंजना वायंगणकार, अॅड. अपर्णा फोगेरी आनी गुंजन कोरगांवकार ह्या णव नगरसेवकांनी सय केल्ल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
