भांगरभूंय | प्रतिनिधी
सुटकेच्या आदेशाक स्थगिती दिवपाक उच्च न्यायालयाचो न्हयकार
भांगरभूंय । नवी दिल्ली : दिल्ली सोरो धोरण घोटाळ्याच्या प्रकरणांत आदले मुख्यमंत्री अरविंद केजरीवाल, आदले उपमुख्यमंत्री मनीष सिसोदिया आनी हेर 23 जाणांची दिल्ली कनिश्ठ न्यायालयान निर्दोश सुटका केल्ली. ह्या निर्णयाक सीबीआयन उच्च न्यायालयान आव्हान दिल्लें. उच्च न्यायालयान त्या आदेशाक स्थगिती दिवपाक न्हयकार दिलो.
उच्च न्यायालयांत सीबीआयची बाजू मांडटना सोरो घोटाळो देशाच्या राजधानींतल्या इतिहासांतलो सगल्यांत व्हड घोटाळ्या मदलो एक आसा. ही देशाक सामकी लजेची गजाल अशें केंद्र सरकाराचे सॉलिसीटर जनरल तुषार मेहता हांणी सांगलें. हें धोरण मुद्दाम एका विशिश्ट वेवसाय वर्गाक फायदो जावचो ह्या हेतान चालीक लायिल्लें. लांच म्हूण घेतिल्ले कोट्यांनी रुपया हवाला वरवीं हस्तांतरीत केल्यात, असोय दावो मेहता हांणी केलो.
ईडीचे चवकशीचेर ह्या प्रकरणाचो परिणाम जावंक शकता, असो भंय सॉलिसीटर जनरल हांणी ह्या वेळार उक्तायलो. सीबीआयचे हे याचिकेचेर जो मेरेन निमाणो निर्णय येना, कनिश्ठ न्यायालयान तो मेरेन ईडी प्रकरणांतली सुनावणी लांबणेर दावरल्या, हाची दखल घेत उच्च न्यायालयान घेतली. आतां ह्या प्रकरणाचे फुडले सुनावणे कडेन सगल्यांचे लक्ष लागला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
