भांगरभूंय | प्रतिनिधी
5 फेब्रुवारीक मतदान, 8 फेब्रुवारीक मतमेजणी
नवी दिल्ली, खबरां संस्था ः दिल्ली विधानसभा वेंचणूक 5 फेब्रुवारीक जातली. मतमेजणी 8 फेब्रुवारीक जातली. केंद्रीय वेंचणूक आयोगान मंगळारा पत्रकार परिशद घेतली, तातूंत दिल्ली विधानसभा वेंचणुकेची तारीखांची घोशणा केली. केंद्रीय वेंचणूक आयोगाचे आयुक्त राजीव कुमार हांणी आयज मंगळारा पत्रकार परिशद घेवन ही म्हायती दिली.
म्हत्वाच्यो तारख्यो…
उमेदवारी अर्ज भरपाची तारीख 17 जानेवारी, अर्जाची छाननी जातली 18 जानेवारीक, उमेदवारी अर्ज फाटीं घेवपाची तारीख 20 जानेवारी, मतदानाची तारीख 5 फेब्रुवारी आनी मतमेजणी 8 फेब्रुवारीक.
ही वेंचणूक दिल्ली विधानसभेच्या वट्ट 70 जाग्यां खातीर जाता. फाटले विधानसभा वेंचणुकेंत आम आदमी पक्षान (आप) भाजपा आनी काँग्रेसीक हारयिल्ली. वेंचणुकेंत आपाक 70 जाग्यांतल्या 62 जाग्यांचेर जैत मेळिल्ले. दुसऱ्या क्रमांकाचेर आयिल्ल्या भाजपाक फक्त 8 जाग्यांचेर जैत मेळिल्ले.
दिल्ली विधानसभा वेंचणुकेची तारीख आतां जाहीर जाल्या, हे खेपे दिल्लींत भाजपा आड आप अशी वेचणूक जावपाची शक्यताय आसा. ताका लागून आतां कोण जिखतलो हाची उमळशीक पुराय देशांतल्या राजकारण मोगींक लागल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
