भांगरभूंय | प्रतिनिधी
बॉम्बस्फोटांत आयिल्ल्या मरणां विशीं मुख्यमंत्र्यांनी उक्तायलें दुख्ख
पणजी : दिल्ली बॉम्बस्फोटाचे फाटभूंयेर गोंयूय शिटूक (हाय अलर्ट) जालां. हे खातीर पुलिसांनी तपासणी सुरू केल्ल्याचें मुख्यमंत्री डॉ. प्रमोद सावंत हांणी सांगलें. दिल्ली बॉम्बस्फोटांतल्या मरणां विशीं मुख्यमंत्र्यांनी दुख्ख उक्तायलें.
दिल्लीच्या बॉम्बस्फोटांत ९ जाणांक मरण आयलें, तशेंच जायते जाण जखमी जाले. गृहमंत्री अमित शहा हांणी बॉम्बस्फोट जाल्ले सुवातेक भेट दिवपा वांगडा हॉस्पिटलांत वचून जखमींची विचारपूस केली. केंद्रीय गृह मंत्रालया वतीन बॉम्बस्फोटाचो तपास सुरू आसा. सुरक्षिततायेचो उपाय म्हणून गोंयांकूय सतर्कतेची शिटकावणी दिल्या. संवेदनशील दुवातांची तपासणी करपा वांगडाच पुलिसांनी सुरक्षेचे उपाय घेवपाक सुरू केल्ल्याचें मुख्यमंत्री डॉ. प्रमोद सावंत हांणी म्हणलें.
बॉम्बस्फोटा उपरांत पुलिसांनी पर्रा नाकाबंदी केली. केरी चेक नाको, थिवी रेल्वे स्टेशन हांगाय तपासणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
