भांगरभूंय | प्रतिनिधी
नवी दिल्ली, खबरां संस्था: मंगळारा दिल्लीचीं तीन जिल्लो न्यायालयां आनी दोन शाळांक बॉम्ब घालून उडोवपाच्यो धमक्यो मेळ्ळ्यो. साकेत कोर्ट, पटियाला हावज कोर्ट आनी द्वारका कोर्ट बॉम्बान उडोवपाची धमकी दिवपी ईमेल मेळ्ळे उपरांत, दिल्ली पुलिसांनी सगलीं न्यायलयां रिकामी केलीं आनी तपास सुरू केलो.
अहवालांत असो दावो करतात, धमकेचो ईमेल जैश-ए-मोहम्मदशी संबंदीत ईमेल पत्त्यावेल्या धाडिल्लो. उपरांत, बॉम्ब स्क्वॉड तिनूय न्यायालय वाठारांची तपासणी करतात.
हे लक्षांत घेवपा सारकें आसा, एनआयए आयज दिल्ली लाल किल्लो गाडी बॉम्बस्फोटांतलो आरोपी जसीर बिलाल वाणीक पटियाला हावज कोर्टांत हाजीर करतले. हो ईमेल सकाळीं ११ वरांचेर, तांचे पयलींच धाडिल्लो.
आयज सकाळीं, दोन सीआरपीएफ शाळांकूय बॉम्बान उडोवपाच्यो धमक्यो मेळ्ळ्यो. एका अनवळखी मनशान पुलिसांक फोन करून कॅम्पसांत बॉम्ब दवरिल्ल्याचो दावो केलो.
सकाळीं ९ वरांचेर प्रशांत विहार आनी द्वारकाच्या शाळांक फोनआयले उपरांत पंगड दोनूय सुवातांचेर पावले आनी खबरदारीचो उपाय म्हणून शाळो रिकामी केल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
