भांगरभूंय | प्रतिनिधी
नवी दिल्ली, खबरां संस्था ः दिल्लींत झाडांची मेजणी जतली. न्यायाधीश ए.एस.ओका आनी न्यायाधीश ऑगस्टीन जॉर्ज मसीह हांच्या सर्वोच्च न्यायालयाच्या खंडपिठान बिरेस्तारा झाडांची जनगणना करपाचो आदेश दिला. 50 वा ताचे परस चड झाडां कापपा खातीर केंद्रीय अधिकार प्राप्त समिती (CEC) कडल्यान परवानगी घेवची पडटली अशें खंडपिठान दिल्ली झाड प्राधिकरणाक सांगलें. झाडां मेजपा खातीर गणना तज्ञांची मजत घेवपा खातीर रान संशोधन संस्था (FRI) हांचो आस्पाव करपाक दिल्ली झाड प्राधिकरणाक सांगलां.
खंडपिठान एजन्सी नेमपाचो प्रस्ताव मांडलो. तातूंत राष्ट्रीय राजधानींत झाडांची जनगणना करपाची गरज उक्तायली आनी झाड अधिकाऱ्यान केल्ल्या कामाचेर देखरेख दवरपा खातीर एक एजन्सी नेमपाची असो उल्लेख केलो. झाडां अधिकाऱ्यांनी 50 वा ताचे परस चड झाडां कापपाची परवानगी दिल्यार केंद्रीय अधिकार प्राप्त समितीच्या परवानगे बगर झाडां कापचे न्हय असो निर्देश न्यायालयान दिला. निवृत्त आयएफएस ईश्वर सिंग, सुनील लिमये आनी झाडांचो तज्ञ प्रदीप सिंग ह्या तीन तज्ञांच्या मजतीन झाडांची मेजणी जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
