दिल्लींत मुस्लिमांची लोकसंख्या वाडली : जेएनयूचो अहवाल

भांगरभूंय | प्रतिनिधी

नवी दिल्ली, खबरां संस्था ः दिल्ली विधानसभा वेंचणुकेच्या मतदाना पयलीं जवाहरलाल नेहरू विद्यापिठाचो (जेएनयू) अहवाल उजवाडाक आयला. बांगलादेश आनी म्यानमारांतल्यान घुसखोरी करपी लोक येतात अशें तांतूत म्हणलां. ताका लागून दिल्लींत मुसलमानांची लोकसंख्या वाडल्या. बांगलादेशी आनी म्यानमारांतल्या घुसखोरीक लागून दिल्लीची लोकसंख्या बदलल्या. 10-15 वर्सां आदीं आशिल्ली दिल्ली आयज तशी ना.
मुसलमान लोकसंख्ये वांगडाच शारांचे लोकसंख्येंतय बदल जाला. देखून अर्थवेवस्था इबाडपाक लागल्या. भलायकी आनी शिक्षण वेवस्थेचेरूय परिणाम जाला. काल मेरेन हरियाणा, पूर्वांचल, ओडिशा, केरळांतले कामगार वर्ग आतां रोहिंग्या आसात. तांणी बेकायदेशीर रितीन कामगारां कडल्यान काम काडून घेतलां.
प्रोफेसर मनुराधा चौधरी आनी तिच्या संशोधकांनी संयुक्तपणान हो अहवाल तयार केला अशें भाजपा खासदार संबित पात्रा हांणी सांगलें. येवपी ह्या रोहिंग्यां कडेन कसलेच कागदपत्र नात.

बांगलादेशी आनी रोहिंग्या लोक रावतात…
बांगलादेशी आनी रोहिंग्या हे दिल्लीचे जामिया नगर (शाहीन बाग), जाकीर नगर (ओखला), लाजपत नगर, सीलमपूर, सुलतानपुरी, मुस्तफाबाद, निजामुद्दीन, सराय रोहिल्ला, शाहदरा, भालस्वा डेरी, बवाना, द्वारका, रोहिणी, मोती नगर, कैलाश नगर, खिचडीपूर, सराय काले खान, जाफ्राबाद, खान मार्केट आनी गोविंदपुरी हांगा रावतात अशेंय ह्या अहवालांत म्हणलां.

बेकायदेशीर वसणुको आनी झोपडपट्ट्यो निर्माण…
जेएनयूच्या अहवाला प्रमाण, बेकायदेशीर स्थलांतरितांनी बांदिल्ल्या अनधिकृत वसणुकांक लागून झोपडपट्टी आनी अनियोजीत वसणुको वाडल्यात, जाका लागून दिल्लीच्या मुळाव्या साधनसुविधांचेर चेपण आयलां. हातूंत घरां, नितळसाण आनी उदका पुरवण हांचो आस्पाव आसा. ह्या स्थलांतरीतांक लागून दिल्लींतल्या भलायकी वेवस्थेचेरुय परिणाम जाता. बेकायदेशीर बांगलादेशी लोक रावतात त्या वाठारांनी शिक्षण वेवस्थेचेर व्हड चेपण आसा अशें अहवालांत म्हणलां. शाळांनी विद्यार्थ्यांचो आंकडो वाडत आसा. हे समस्याचो परिणाम शिक्षणाच्या दर्ज्याचेर जाला.
‘दिल्लींतलें बेकायदेशीर स्थलांतर: समाजीक-आर्थीक आनी राजकी परिणामांचें विश्लेशण’ अशें ह्या अहवालाचे शीर्शक आसा. सध्या दिल्ली विधानसभेची वेंचणूक आसा. ताका लागून ह्या अहवालाक म्हत्व आयलां.