भांगरभूंय | प्रतिनिधी
खबरां संस्था
नवी दिल्लीः भारत आनी ऑस्ट्रेलिया हाचें मदल्या चार टॅस्ट मॅचींतली दुसरी मॅच शुक्रारच्यान दिल्लींतल्या अरुण जेटली स्टेडियमाचेर सुरू जातली. टॅस्ट मॅच स्पेशलिस्ट अशी नामना आशिल्लो चेतेश्वर पुजाराचे कारकिर्दींतली ही 100वी टॅस्ट मॅच आसतली आनी व्हडली खेळी करून तो तिका खाशेली थारोवपाचो यत्न करतलो अशें दिसता.
पयले टॅस्ट मॅचींत व्हडलें जैत मेळोवन लेगीत कांय खेळगडे टीम इंडिया खातीर तकलीफोड जाल्यात. ही समस्या टीम इंडियाक सुटावी करची पडटली. भारताच्या टॉप ऑर्डरीक अपेक्षे प्रमाण कामगिरी करपाक जमलें ना जाल्यार दिल्लींत टीम इंडिया खातीर ही व्हड समस्या जावपाक शकता. कॅप्टन रोहीत शर्मा सोडल्यार हेर खेळगडे पयले टॅस्टींत व्हडली खेळी करपाक शकले नात. नागपुरांतले हे पयले टॅस्टींत रोहितान शेंकडो मारलो. केएल राहुला सयत धांवड्यो करपाक संघर्श करपी खेळगड्याचे वळेरेंत विराट कोहली आनी कांय प्रमाणांत पुजाराचोय आसपाव आसा. कोलही स्पीनरांक तोंड दिवपाक कसोच आयकना. ताका लागून कोहलीक नॅथन लायन आनी टॉड मर्फी कडेन झुजप आवडटलें.
राहुलाचो फॉर्म शेणला
केएल राहुला खातीर वेळ वचपाक लागला. शुभमन गिल सद्या फॉर्मांत आसून लेगीत ताका प्रतिक्षा करची पडटा. राहुलाक ताच्या 46वे टॅस्ट कारकिर्दींत मेळिल्ल्या जातते संदींचो फायदो घेवपाक शक्य जालें ना आनी ताची सरासरी 34 परस उणी आसा. निमण्या दोन टॅस्ट मॅचीं खातीर पंगड जाहीर जावपा पयलीं 30 वर्सां पिरायेचो हो खेळगडो परत अपेशी थारल्यार भारतीय पंगड वेवस्थापन कसलो निर्णय घेतां तें पळोवप उमळशीकेचें थारतलें. नागपूरच्या एक डावाच्या जैता मजगतीं रविचंद्रनआश्विन आनी रवींद्र जडेजान ऑस्ट्रेलियेचर खूब चेंपण हाडिल्लें. मात अरूण जेटली स्टेडियमाचेरआनी एक स्लो स्कोर पीच आसतली काय ना हें सांगपाक जायना.
दिल्लीची पीच स्लो आसतली
ऑस्ट्रेलियन पंगड जो मरेन बरी बॅटिंग करना तो मेरेन पांचव्या दिसा मेरेन ही टॅस्ट पावची ना. अरूण जेटली स्टेडियमाचे पिचीचेर ओलसाण सुकल्यार ती निर्जीव जातली. जेटलीची पीच नागपूर परस मात्सी स्लो आसपाक शकता. ताका लागून भारतीय बॅट्समनांक ताच्या कॅप्टना भशेन बचावात्मक बॅटिंग करूनच फायदो मेळटलो. जर मैदानाच्या एक वटेन ल्हान चौको आसल्यार ऑस्ट्रेलियेचो कॅप्टन पॅट कमिन्सान ओल्ड पॅव्हेलियनाच्या टोका कडल्यान नॅथन लायनाक बॉलिंग करतना सादुर रावचें पडटलें. कारण लेगी सायडीची शीम 60 मिटरांची आसतली.
वॉर्नरला खेळण्याची खात्री ना
डेव्हिड वॉर्नराकआनी एक संद मेळटली कांय ना हो प्रस्न आसा तसोच आसा. ताचो वायट फॉर्म ऑस्ट्रेलिये खातीर हुस्क्याची गजाल आसा. ताका आनीक एक संद मेळटली कांय ना हे पळोवपाचें बाकी आसा. वॉर्नर एक वरिश्ठ ओपनर आसा. तो ऑस्ट्रेलिये खातीर 100 परस चड टॅस्ट मॅची खेळ्ळा. मात ताचो भारतांतललो टॅस्ट रेकॉर्ड तितलो बरो ना. दरेक खेप ताका धांवड्यो काडटना त्रास जाता. नागपुरांतले टॅस्टींत फकत एक धांवडेचेर मोहम्मद शमीच्या बॉलार तो क्लीन बोल्ड जाल्लो. दुसऱ्या डावांत तो फकत 10 धांवड्यो करपाक शकलो. ताचे खातीरआश्विन व्हो भिरांतीचो आसा. वॉर्नराक पंगडांत सुवात मेळची ना हे संबंदी ऑस्ट्रेलियन मीडियांत सध्या चर्चा रंगल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
