भांगरभूंय | प्रतिनिधी
भांगरभूंय । प्रतिनिधी
काणकोणः तळपण- गालजीबाग वाठारांत दिडकीतार हांगा सुमार 40 वर्सा आदीं बांदल्ल्या लोखणाच्या अशीर पुलाचे सुवातेर नवो पूल बांदपाच्यो हालचाली सुरू जाल्यात.
सादोळशें, तळपण, गालजीबाग आनी माशें हांगच्या लोकांक काणकोणच्या चावडी बाजारांत येवपाक व्हो पूल बरो पडटा. तो पोरणो जाल्ल्यान नवो पूल बांदपाची मागणी लोकांनी बांदकाम मंत्री नीलेश काब्राल काणकोण भेटेर आयिल्ल्या वेळार केल्ली.
बांदकाम खात्याचे अभियंते आनी कन्सल्टंटान सोमाराक दिडकीतारीर येवंन लोखणाच्या पुलाची पळोवणी केली. सुमार 12 मीटर रुंद पूल बांदपाचो तांचो विचार आसा. पुलाचे दोनूय वटेन लोकांक वचपाक खासा वेवस्था करतले अशें काणकोणचो नगराध्यक्ष रमाकांत नायक गांवकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
