भांगरभूंय | प्रतिनिधी
पणजी ः नामनेचे नाट्यकर्मी, दिग्दर्शक आनी चित्रकलेचे प्राध्यापक दिगंबर सिंगबाळ (71, शंकरवाडी- ताळगांव) संवसाराक अंतरले. फाटलो कांय तेंप ते दुयेंत आशिल्ले.
गोंय कला महाविद्यालयांत ते पेंटिंग विभागांत सहायक प्राध्यापक आशिल्ले. ताचेच वांगडा ते कोंकणी नाटकांचें दिग्दर्शन करताले. तांणी साबार नाटककारांचीं नाटकां बसयल्यांत. तांकां बासरीवादनाचीय आवड आशिल्ली. कांय वर्सां पयलीं तांणी आंग म्हुजें चोय पूण, हो कवितासंग्रह बरयिल्ली. पणजेच्या राजहंस प्रकाशनान तो उजवाडायिल्लो. चित्रकलेच्या इतिहासा विशीं तांकां सखोल म्हायती आशिल्ली.
कोंकणी चळवळीकूय तांणी योगदान दिलां. तांच्या हाता खाला बऱ्याच चित्रकार आनी कलाकारांनी प्रशिक्षण घेतलां. नामनेचे रेडियो कलाकार, लेखक पुरुषोत्तम सिंगबाळ हांचे ते धाकटे भाव.
नाट्य मळाचेर दिल्ल्या योगदाना खातीर तांकां 2010–11 वर्साचो राज्य सांस्कृतीक पुरस्कार फावो जाल्लो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
