भांगरभूंय | प्रतिनिधी
स्विमींग फेडरेशनचे बसके खातीर दिल्ली भेट घेतिल्ल्याचें स्पश्ट
भांगरभूंय | प्रतिनिधी
पणजी : पुलीस म्हासंचालक जसपाल सिंग हांची बदली आनी मंत्रीमंडळ फेरबदल चर्चेचे फाटभुंयेर मुख्यमंत्री डॉ. प्रमोद सावंत हे दिल्लींत आसतनाच आमदार दिगंबर कामत हांणी केंद्रीय मंत्री नितीन गडकरी हांची भेट घेतली. रींग रोड आनी कोंब वाठारांतल्या रेल्वे उड्डाण पुलाविशीं चर्चा जाल्ल्याची म्हायती आमदार कामत हांणी दिल्या.
स्विमींग फेडरेशनाचे बसके खातीर आपूण दिल्ली आयला. बसका जाले उपरांत बिरेस्तारा आपूण गोंयांत पावतलो. हे भेटीत केंद्रीय रस्ते येरादारी आनी म्हामार्ग मंत्री नितीन गडकरी हांची भेट घेतली, अशी म्हायती आमदार कामत हांणी दिली.
मुख्यमंत्री डॉ. प्रमोद सावंत हे दिल्ली आसतानाच दिल्लींतूच भाजपाचे आमदार कामत हांणी केंद्रीय मंत्री गडकरी हांची भेट घेतिल्ल्यान राजकी मळार उमळशीक वाडल्या. केंद्रीय रस्ते आनी म्हामार्ग मंत्री नितीन गडकरी हांकां परबीं दिवपा सयत कोंब- मडगांवच्या प्रस्तावीत रेल्वे उड्डाण पुलाक बेगीन मान्यताय दिवपाची मागणी आपणे केल्या. ही सदिच्छा भेट आशिल्ल्याचें व्टीट आमदार कामत हांणी केलां. येरादारी मंत्री मॉविन गुदिन्हो हांणी मंगळारा दिल्लींत नितीन गडकरी हांची भेट घेतली. हाचे पयली वीज मंत्री सुदिन ढवळीकार हांणी केंद्रीय अक्षय उर्जा मंत्री प्रल्हाद जोशी हांची भेट घेतली. गोंयचे मंत्री फाटोफाट दिल्लींत केंद्रीय मंत्र्यांच्यो भेटी घेत आसतना बुधवारा आमदार कामत हे लेगीत दिल्ली पावले. हाका लागून मंत्रीमंडळ फेरबदलाचे चर्चेक नेट आयला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
