भांगरभूंय | प्रतिनिधी
भांगरभूंय । खबरां मेज
पणजीः दाल्गादो आनी हेर पुरस्कारां खातीर 14 नोव्हेंबर मेरेन अर्ज धाडपाचें आवाहन दाल्गादो कोंकणी अकादमीन (डीकेए) केलां. दरेकी 35 हजार रुपयाचें दाल्गादो साहित्य पुरस्कार, दाल्गादो सांस्कृतीक पुरस्कार आनी दाल्गादो रोमी कोंकणी सेवा पुरस्कार तशेंच फादर फ्रेडी डिकॉस्ता बरोवपी पुरस्कार, प्रभाकर तेंडुलकार कोंकणी संस्था पुरस्कार, जोएल डिसोझा दायज पुरस्कार, दाल्गादो तरणाटो पुरस्कार आनी बेर्ता मिनेझीस अस्तुरी पुरस्कारा खातीर अर्ज मागयल्यात.
पयले तीन दाल्गादो पुरस्कार 60 आनी ताच्या वयल्या पिरायेच्या उमेदवारांक दितले, फ्रेडी डिकॉस्ता पुरस्कार 25 हजारांचो आसा आनी तो 35 ते 50 वर्सा पिरायेच्या रोमी कोंकणी खातीर उण्यात उणी 10 वर्सा वावुरल्ल्या उमेदवाराक दितले. तेंडुलकार पुरस्कार 25 हजारांचो आसा आनी 10 वर्सां परस चड तेप रोमी कोंकणी खातीर वावुरपी संस्थेक तो दितले. गोंयचे दाजय राखून दवोरपाक वावुरल्या 60 आनी चड पिरायेच्या उमेदवाराक जोएल दिनीज हो 25 हजारांचो पुरस्कार दितले. 15 हजारांचो दाल्गादो तरणटो पुरस्कार 25 तें 35 पिरायेच्या आनी एक तरी पुस्तक प्रकाशीत जाल्ल्या उमेदवाराक दितले. बेर्ता मिनेझीस व्हो 10 हजारांचो पुरस्कार रोमई कोंकणी मळाव वावुरपी अस्तुरेक दितले.
इत्सूकांनी आपले अर्ज आपली पुराय म्हायती सयत पणजे शिक्षण खात्याचे फॉर्मसी कॉलेजा लागी आशिल्ले पोरणे इमारतीतले दुसरे माळेर आशिल्ल्या दाल्गादो अकादमीच्या कार्यालयांत 14 नोव्हेंबर मेरेन सादर करचे अशें कळीत केलां. चडावत म्हायती खातीर 0832 2221688 वा व्हिन्सी काद्रूस (9822587498) हांचे कडेन संपर्क सादपाक सांगला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
