भांगरभूंय | प्रतिनिधी
गुडी पाड्डेच्या दामोदर उच्च माध्यमीक स्कुलान विभाग चार आंतरउच्च माध्यमीक फुटबॉल सर्तीच्या 19 वर्सां पिराय सकयल्या गटांत वस्तादपण जोडलें. खेळां आनी युवा वेव्हार संचालनालयान कुडचडेंच्या पंटेमळ फिग्युरेदो मैदानाचेर आयोजीत केल्ली.फायनलींत दामोदर उच्च माध्यमीक स्कुलाच्या पंगडान कुडचडेंच्या गार्डियन आग्नेल उच्च माध्यमीक पंगडाक एका गोलान हारयलो. मॅचींतलो म्हत्वाचो गोल लायकसन रिबेलोन दुसऱ्या अर्दांत केलो.
ते आदीं, दामोदार उच्च माध्यमिकान शिरोडेंच्या एव्हीएमपीएस उच्च माध्यमिकाच्या पंगडाक आनी धारबांदोडेंच्या व्ही एस लाड उच्च माध्यमीक स्कुलाच्या पंगडाक हारयलो. सेमी फायनलींत ताणें कुडटरीच्या सेंट आलेक्स उच्च माध्यमीक स्कुला आड जैत जोडलें.
दामोदर उच्च माध्यमीक आतां दक्षीण जिल्हो फायनलींत विभाग III जैतिवंत पंगडा आड खेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
