भांगरभूंय | प्रतिनिधी
गुडी-पाड्डेंच्या दामोदर उच्च माध्यमीक हायस्कुलान खेळां आनी युवा वेव्हार संचालनालयान घेतिल्ले चल्यांचे दक्षीण IV आंतरउच्च माध्यमीक बॅडमिंटन सर्तीचें वस्तादपण जोडलें.
केपेंच्या बोरीमळ खेळां संकुलांत जाल्ले फायनलींत ताणें कुडचडेंच्या सीटीएन उच्च माध्यमीक हायस्कुलाक 2-0 फरकान हारयलें.
पयले एकोडे मॅचींत विक्रांत गांवसान राहुल रेवणकाराक 10-21, 22-20, 21-11 अशा फरकान हारयलो, जाल्यार दुसरे मॅचींत एकोडे मॅचींत विंगलन जॅकीस हाणें प्रतुश नायकाक 18-21, 21-11, 21-16 हारयलो. दामोदर पंगडांत विंगलन जॅकीस, विक्रांत गांवस हांचे खेरीत राहुल पुजार, सर्वेश नायक आनी रवीकिशन नायक हांचो आस्पाव आशिल्लो.
ह्या जैतान दामोदर उच्च माध्यमीक दहक्षीण आंतर विभाग फायनलीक पात्र जालें. नावेली इन्डोर स्टेडियमांत जावपी फायनलींत तें विभाग IIIच्या जैतिवंत आड खेळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
