भांगरभूंय | प्रतिनिधी
गुडी पाड्डेंच्या दामोदर उच्च माध्यमीक हायस्कुलाच्या पंगडान खेळां आनी युवा वेव्हार संचालनालयाच्या दक्षीण विभाग चल्यांची सॅपेकटॅकरो सर्त जिखली. नावेलीच्या मनोहर पर्रीकार इण्डोर स्टेडियमाचेर जाल्ले फायनलींत ताणें झुआरीनगराच्या एमईएस उच्च माध्यमीक स्कुलाक 18-21, 21-17 आनी 21-14 अशा फरकांनी हारयले.
दामोदर उच्च माध्यमीक स्कुलाच्या पंगडांत सप्नेश गांवकार, डॅनीस ओलिव्हेरा, सोवेल फर्नांडीस, क्लायन फर्नांडीस आनी विझीटन फर्नांडीस हांचो आस्पाव आशिल्लो. दामोदर उच्च माध्यमीक आतां राज्य पांवड्या वयले वस्तादपण सर्तींत उत्तर गोंय पंगडा आड खेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
