भांगरभूंय | प्रतिनिधी
फायनलींत शिवोलीच्या सेंट फ्रान्सीस झेवियर्स उच्च माध्यमीक स्कुलाक 2-1 अशा सेटांनी हारोवन गुडी-पाड्डेच्या दामोदर उच्च माध्यमीक स्कुलान खेळां आनी युवा वेव्हार खात्यान आयोजीत केल्ली 19 वर्सां पिराये सकयली आंतर उच्च माध्यमीक पांवड्या वयली चल्यांची सॅपेकटॅकरो सर्तीचें वस्तादपण जोडलें.
फातोड्डेंच्या मल्टिपर्पझ इन्डोरांत सर्तीचें आयोजन केल्लें. कुजिराच्या धेंपो उच्च माध्यमीक स्कुलाक 2-1 अशा फरकान हारोवन रायच्या गांवकार उच्च माध्यमिकान सर्तीची तिसरी सुवात मेळयली.
जैतिवंत दामोदर उच्च माध्यमिकाच्या पंगडाचें प्रतिनिधित्व मिकी डायस, ज्युलियस कार्व्हालो, सपनेश गांवकार, आकाश मौर्य आनी अलोयसियस फर्नांडीस हांणी केलें. जैतिवंत पंगडाक खेळां शिक्षक जयकृष्ण नायक देसाय आनी प्रणव प्रभुदेसाय हांचें प्रशिक्षण आनी वेवस्थापक दिलखूश गांवकार हाचें मार्गदर्शन लाबलें.
सर्त राज्य खेळां अधिकारी विवेकानंद तंबी हांचे देखरेखेखाला जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
