भांगरभूंय | प्रतिनिधी
पणजी ः हिंदू धर्मांत पंचाग, म्हुर्त पळोवन बरीं कामां करतात. ताका लागून उमाशे उपरांत दामबाबाच्या दिसा म्हणल्यार सोमारा मंत्रीपदाची सोपूत घेतिल्ल्या नव्या मंत्र्यांक खातीं मेळटलीं अशी म्हायती भाजपा प्रदेशाध्यक्ष दामू नायक हांणी दिली.
भाजपा युवा मोर्चा आनी महिला मोर्चा हांणी मडगांवच्या गुजराती समाजाच्या सभाघरांत ‘चवथीचो बाजार’ आयोजीत केला. ह्या वेळार भाजपाचे प्रदेशाध्यक्ष दामू नायक आनी मंत्री दिगंबर कामत हाजीर आशिल्ले. नव्या मंत्र्यांचो सोपूत सुवाळो जालो आसलो तरी तांकां अजून खातीं वांटून दिवंक ना. तें केन्ना दितलें अशें पत्रकारांनी विचारलें. ते वेळार हिंदू धर्मांत पंचाग, म्हुर्त पळोवन बरीं कामां करतात. ताका लागून उमाशे उपरांत दामबाबाच्या दिसा म्हणल्यार सोमारा मंत्रीपदाची सोपूत घेतिल्ल्या नव्या मंत्र्यांक खातीं मेळटलीं. कांय गजालीं पत्रकारांक आमचे पयलींच कळटात अशी जाप नायक हांणी दिली.
मजगतीं, मुख्यमंत्र्यां कडेन 45 खातीं आशिल्ल्यान तांचेर खूब ताण आसा अशें आमदार विजय सरदेसाय हांणी सांगिल्लें. हे विशीं प्रदेशाध्यक्ष नायक हांकां विचारल्लें तेन्ना, ताचेर आपूण कांयच सांगचो ना. तशेंच तांकांय चवथीचीं परबीं अशें हांसत हांसत तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
