भांगरभूंय | प्रतिनिधी
मुरगांवः दाबोळे रसायन व्हरपी दोन टँकरांचो अपघात जालो. ह्या टँकरांतल्यान फॉस्परीक अॅसीड व्हरताले.
झुआरी अॅग्रो कॅमिकल फॅक्टरींत फॉस्फरीक अॅसीड व्हरपी टॅकरान चुकीचे दिशेन आयिल्ल्या दुचाकी चालकाक वाटावपा खातीर अचकीत ब्रेक मारिल्ल्यान दुसऱ्या टँकरान ताचेर धपको मारलो. ह्या अपघातांत टँकर चालक कॅबिनांत आडकून उरलो. ताका भायर काडचे खातीर जवानांक सुमार वरभर लागलें. ह्या अपघातांत जिवीतहानी जावंक नासली तरीय अपघात जाल्ले रसायन व्हरपी टँकर आशिल्ल्यान लोकां मदीं भिरांत पातळ्ळी.
मुरगांव पोर्टांतल्यान फॉस्फरीक दाबोळे रसायन व्हरपी दोन टँकरांचो अपघात जालो. ह्या टँकरांतल्यान फॉस्परीक अॅसीड व्हरताले. अॅसीड घेवन हे टँकर फॉस्फेट्स लिमिटेड (झुआरी अॅग्रो केमिकल्स लिमिटेड) हांगा वताले. दाबोळे वालेस जंक्शना लागसार हो अपघात जालो.
मेळिल्ले म्हायती प्रमाण एका दुचाकी वयल्यान तीग जाण उरफाटे दिशेन येताले. तांकां साल्वार करचे खातीर टँकर चालकान अचकीत ब्रेक मारलो. ताका लागून फाटल्यान येवपी दुसरो टँकर फुडल्याचेर वचून आपटलो. जखमी टँकर चालकाक चिखलेच्या उपजिल्हो हॉस्पिटलांत उपचारा खातीर दाखल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
