भांगरभूंय | प्रतिनिधी
भांगरभूंय । प्रतिनिधी
फोंडेंः किर्लपाल पंचायत वाठारांतल्या खेळगड्यां खातीर आयोजीत केल्ल्या दुसऱ्या दाबाळ क्रिकेट लीग सर्तीचें उक्तावण दाबाळची सरपंच रुक्मिणी गांवकार हिचे हस्तुकीं केलें. ह्या वेळार उपसरपंच कालिदास गांवकार, पंच वांगडी भोला गांवकार, रमाकांत गांवकार, भालचंद्र गांवकार, वामन गांवकार, साविन करमलकार, दामोदर गांवकार, आनी हेर मानेस्त हाजीर आशिल्ले.
हे क्रिकेट सर्तीची फानयल 26 मार्चाक जातली. गांवगिऱ्या वाठारांत ज्यो सर्ती आयोजीत करतात तातूंत थळाव्या खेळगड्यांक आपले खेळा गुण दाखोवपाक मेळटात. ताका लागून दरेकल्या खेळगड्यांन तातूंत वांटो घेवपाक जाय. खेळाक लागून व्यायाम जाता अशें रुक्मिणी गांवकारान सांगलें. भोला गांवकारान पोरूं ही सर्त आयोजीत केल्ली ह्या वर्सा तिका बरो प्रतिसाद मेळ्ळा अशें सांगलें. गांवच्या लोकांनी तरणाट्यांक सर्तींत वांटो घेवपाक उर्बां दिवपाक जाय अशें ताणे सांगलें.
सर्तींत आलिसा स्ट्रायकर्सस सातेरी पिसानी स्ट्रायकर्सस मनस्वी डानयामायट, सोमनात वॉरियर्स, शांतादुर्गा वॉरियर्स, डीबी बिल्टन-11 आनी परेश ब्रदर्स ह्या पंगडांनी वांटो घेतला. भोला गांवकार आनी रमाकांत गांवकार हाणी ही सर्त पुरस्कृत केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
