भांगरभूंय | प्रतिनिधी
भांगरभूंय । प्रतिनिधी
फोंडेंः तळप- वाघोण हांगच्या मैदानार पंच वांगडी भोला ऊर्फ बारकेलो गांवकार आनी रमाकांत गांवकार हाणी पुरस्कृत केल्ल्या तिसऱ्या दाबाळ क्रिकेट लीग सर्तींत आलिशा स्ट्रायकर्स पंगडान जैत मेळयलें. ताणी फायनलींत वंश क्रिकटर्स पंगडाक हारयलें. सर्तींतलो मॅन ऑफ दी मॅच आनी मॅन ऑफ सिरीज म्हणून साईश गांवकारान भोवमानीत केलें पंगडानी वांटो घेतिल्लो.
इनाम भेटवण कार्यावळीक आदलो बांदकाम मंत्री दीपक पाऊसकार, सावर्डे भाजप मंडळाचो अध्यक्ष विलास देसाय, पंच वांगडी भोला उर्फ बारकेलो गांवकार, रमाकांत गांवकार, आदलो सरपंच मोलू गांवकार, सिद्धी पाऊसकार, आदलो सरपंच संजय नायक, भानुदास गांवकार, ऍड आतिश गांवकार आनी हेर मानेस्त हाजीर आशिल्ले. गांवगिऱ्या वाठारांत क्रिकेट सर्तीक बरो प्रतिसाद मेळटा हे खातीर दीपक पाऊसकारान खोस उक्तायली. तरणाट्यांक खेळपा खातीर मैदान मेळचें हे खातीर यत्न करपाचें उतर ताणे दिलें. दाबाळ क्रिकेट लीग सर्तीक लागून थळाव्या तरणाट्यांक फाटल्या तीन वर्सां सावन बरी कामगिरी करून दाखोवपाची संद मेळ्ळ्या अशें रमाकांत गांवकारान सांगलें.
इनाम भेटवण कार्यावळींत वामन गांवकारान सुरवेक सगल्यांक येवकार दिलो. ईश्वर कुर्टीकारान सूत्रसंचालन करून उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
