भांगरभूंय | प्रतिनिधी
भांगरभूंय । प्रतिनिधी
फोंडेंः दाग-फोडें हांका बांदल्लो 15 एमएलडी मलनिस्सारण प्रकल्प फेब्रुवारी म्हयन्यांत सुरू करपाचे यत्न चल्ल्यात. सध्या शंबरां परस चड घऱांक जोडणी दिवपाच्या कामाक सुरवात केल्या. कांय वाठारांतले घाणयारें उदक प्रकल्पांत व्हरून ताचेर प्रक्रिया करतले.
कवळें पंचायत वाठारांतल्या घरांतलें घाणयारें उदक प्रकल्पांत व्हरपा खातीर जोडणी दिवपाचें काम चल्ला. ढवळी आनी कपिलेश्वरी वाठारांतल्या घरांक जोडणी दिल्या. प्रकल्प पुराय ताकीन सुरू जातगीर हेर वाठारांतल्या घरांक जोडणी दितले. मलनिस्सारण प्रकल्पाच्या कामा खातीर फाटल्या कांय वर्सां सावन रस्ते फोडल्यात. तशेंच फोंडें शारांत सद्या गॅस पायपलायन घालपाचें काम लेगीत सुरू आसा. फोडल्ल्या रस्त्यांक लागून येरादारीक त्रास जाता. मलनिस्सारण प्रकल्पाचें काम पुराय जाला आनी फुडल्या कांय दिसांत वारखंडे ते वयलो बाजार रस्त्याचें हॉटमिक्स डांबरीकरण करपाची तयारी सुरू जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
