भांगरभूंय | प्रतिनिधी
को रोनाचो जसो वायट अणभव आयलो, तसो बरो परिणाम लेगीत दिसून आयलो. तो म्हणल्यार आॅनलायन सुविधा चड नेटान चालीक लागली. सगले तरेचें शिक्षण जें तुमच्या वाठारांत मेळना तें शिकपाची संद सगल्यांक मेळ्ळी. नाचाचेंच घेयात, सगल्यांक हे कलेचो लाव घेवंक मेळना. कारण तुमच्या वाठारांत तशी सुविधा नासता. मात आॅनलायन वर्ग सुरु जाल्ल्यान सगल्यांक ताचो फायदो जालो. नाचाचे वर्ग चड नात. मात पेलिपेड हे संस्थेन मात तुमकां नाच आॅनलायन शिकपाची सुविधा उपलब्ध करून दिल्या. शिकोवपीय फक्त भारतांतलेच न्हय, तर आंतरराष्ट्री मळा वयले आशिल्ल्या कारणान तुमकां दर्जेदार शिक्षण मेळपाची खात्री आसा.
पद्मविभूषण मेळिल्ले डाॅ. पद्मा सुब्रह्मण्यम हांची शिश्य विद्या आरासू , जांकां सिनेमांनी जायते पुरस्कार मेळ्ळ्यात, तें तुमकां शिकोवपाक आसा. तांची आंतरराष्ट्रीय वळखूय आसा. तांच्या 8 सप्तकांच्या ह्या अभ्यासक्रमांत तुमकां नाचाचीं सगलीं आंगां शिकपाक मेळटलीं. एक म्हणल्यार नाचा खातीर तुमचें आंग शिडशिडीत आसपाक जाय. ताका लागून वाज, आळस येना. ह्या अभ्यायसक्रमांत अभिनयूय शिकपाची सुविधा आसा. तांचे शिकोवपाचे व्हिडियो पळोवन तुमकां हाचो अणभव येतलो. तांणी पल्लीकुडम ही संस्था सुरू केल्या. थंय नामनेचे नाच मास्टर शिकयतात. थंय लंडन युनिवर्सलाचे पदवीधारक नरविश्व, किरण सम्पनथ, रणजीत गोविंद हे शिकयतात. नाटक, अभिनय, नाच शिकोवपाक वेगवेगळे जाणकार आसात. किरण हे शिक्षणतज्ञ, आॅनलायन वर्गाचे तज्ञ. रणजीत हे गायकीस, पट्टू शिकयतात. हांगा व्हिडियोचीय सुविधा आसा. अभिनय शिकोवपाची जापसालदारकी लक्ष्मीप्रिया चंद्रमौळी हांणी सांबाळ्ळ्या.
विशेश म्हणल्यार लक्ष्मीप्रिया ही राष्ट्रीय पुरस्कार मेळोवपी कलाकार. ती न्यूयाॅर्कांतल्या स्ट्रेसबर्ग हे टीव्ही, फिल्म संस्थेची विद्यार्थी. तिच्या ह्या वावराक लागून ती तामीळ, तेलगू, मल्याळम सिनेमा काम करता. तिच्या पद्मिनी सोपान सुंदरी हो सिनेमा गाजला. विद्या हिणे लायफ आॅफ पाय आनी एअर इंडिया सारक्या सिनेमांनी काम केलां. डाॅ. सुब्रह्मण्यम हांच्या मार्गदर्शनाक लागून हे संस्थेन खुब उंचाय मेळयल्या, अशें ती सांगता. हांगा तुमकां दक्षिणेंतले नाच शिकपाक मेळटले. तुमची कुडय तुमी फिट दवरूंक शकतात. हांगा हांव मुद्दाम हेमामालिनीचें उदाहरण दिवंक सोदता. हे अभिनेत्री आपलें शरीर अजूनय फीट दवरलां. ती अजूनय दक्षीण पद्दतीचे सगले नाच करता. तिणें गोंयातूय साबार कार्यावळी केल्यात. कूड तंदुरुस्त दवरूंक जिभेचेर नियंत्रण दवरुंक जाय. तशेंच व्यायामूय करूंक जाय. नाचान हें शक्य आसा. विद्या आरासू ही कथक, भरतनाट्यम, ओडिसी हे नाच प्रकार करताच, पूण बाॅलिवूड नाचूय ती शिकयता. ह्या वर्गात येवचे पयलीं, तुमी तांची वेबसायट पळोवची. तिचें नांव आसा. thepallikoodam.com. कितें दुबाव आसा जाल्यार 98405 10065 हाचेर संपर्क करचो. हो नाचाचो अभ्यासक्रम करप्याक प्रमाणपत्र मेळटली, जी तुमकां नोकरी करपाक उपेगी पडटली. तुमकां जर नोकरी करपाची ना, स्वतंत्र वेवसाय करपाचो आसल्यार तुमी तो करपाक शकतात. ही गजाल मागीरची. सध्या तुमी हो अभ्यासक्रम ह्या वर्गांत शिकतले काय ना, ताचो विचार करचो. हो अभ्यासक्रम दक्षीण भारतांतलो, तमीळ भाशेंतलो आसलो तरी इंग्लीश भाशेंत ते शिकयतात. तांची वेबसायट इंग्लिशींतूय आसा. थंय प्रवेश घेवपाक तुमकां तुमची शिक्षणाची सर्टिफिकेट जाय पडटली. आॅनलायन नाच, अभिनय शिकपाची ही संद जरूर घेवची.
टेनीस वर्ग
जर तुमकां टेनिस खेळपाची आवड आसा जाल्यार तुमी आॅनलायन नोंदणी करपाक शकतात. गोंया खातीर आशिल्ली सर्त 16 फेब्रुवारीक बीपीएस टेनिस संघटनेन दवरल्या. ते सर्तींत वांटेकार जावपाक bpsgoaopen.com/register हे वेबसायटीचेर नांव नोंद करचें. चड म्हायती खातीर सुरेश 97652 59809, दीपक 80760 48408 हांचे कडेन संपर्क करचो, अशें आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
