भांगरभूंय | प्रतिनिधी
आमी सगळे सकाळीं उठून आनी रातचे न्हिदचे आदीं दांत घांसतात. भुरगेपणांतच सगळ्यांक ही संवय शिकयतात. नेमान दांत घांसले उपरांत लेगीत कांय जाणांचे दांत हळदुवें दिसतात. हांसतना जायत्या जाणांचे दांत दिसतात. तेच प्रमाण मनशाच्या दांतांचेर हळदुव्या रंगाचो थर आसल्यार मागीर तांकां लोकां मुखार हांसपाक मेळना. ताकां उलोवंक लज दिसता.
हांसताना आनी उलयतना दातांचें हळदुवेंपण दिसता. तें काडप गरजेचें आसता. हें खातीर कांय घरगुती उपाय…
1) मीठ आनी स्ट्रॉबेरीः
पयलीं मीठ आनी स्ट्रॉबेरीचें मिश्रण करचें. तें ब्रशाचेर टूथपेस्ट सारकें लावचें आनी दांत घासचें. अशें केल्यार दांतांचेर आशिल्लो हळदुवेंपण रोखडेच ना जातले.
2) धवो व्हिनेगरः
धव्या व्हिनेगराच्या आदारान दांतांचेर आशिल्लो हळदुवो थर काडूं येता. हे खातीर एका पेल्याच्या उदकांत दोन चमचे व्हिनेगर भरसून घेवचे. तयार केल्लें मिश्रणचें गुळे करपाक जाय. अशें केल्यार दांतांचेर आशिल्लो हळदुवेंपण वता आनी तोंडांतल्यान येवपी घाण ना जाता.
3) आलें :
मिक्सरांत आल्याचे ल्हान कुडके घालून वाटचें. उपरांत तातूंत एक चमचो मीठ आनी लिंबूचो रोस घालचो. तयार केल्लें मिश्रण टूथब्रशान दांतांचेर घासचें. ताका लागून दांत धवे जावपाक मजत जाता.
4) बेकींग सोडाः
बेकिंग सोडा लेगीत दांतांचें हळदुवेंपण काडून उडोवंक शकता. हे खातीर बेकिंग सोडा आनी चिमटीभर मीठाचे मिश्रण करचें. हें मिश्रण टूथब्रशाचेर लावन दांत घांसचे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
