भांगरभूंय | प्रतिनिधी
मुंबय, खबरां संस्था: देशातं २०१४ वर्सा रस्ते अपघातांत दर वराक सरासरी ५ दुचाकीन प्रवास करतल्यांक मरण आयिल्लें. २०२३ वर्सा हो आंकडो ९ मेरेन वाडलो. २०१४ ते २०२३ ह्या णव वर्सांच्या काळांतलो हो आंकडो. रस्तो येरादारी मंत्रालया प्रमाण, २०२३ वर्सा रस्तो अपघातांत ४५% मरण दुचाकींतल्या प्रवास करतल्यांक आयलीं. २०१४ वर्सा हो आंकडो ३०% आशिल्लो. इंडियास्पेंड प्रमाण, २०२३ वसार वट्ट अपघातांच्या मरणां मदल्या ६९% गांवगिर्या वाठारांत, जाल्यार २०१३ वर्सा ५९% शारांत २०२३ वर्सा ७४% लोकांनी आपलो जीव वगडायलो.
चलत वचप्यांच्या मरणांत तिपेटीन वाड
फाटल्या दसकांत वट्ट रस्ते अपघातांत मरण येवपाचो आंकडो २४% वाडलो, मात हातूंत चलत वचप्यांचो तिपेटीन, सायकल चलोवप्यांच्या मरणांत १३% आनी दुचाकीन प्रवास करतल्यांच्या अपघतांत मरण येवपी आंकड्यांत दुपेटीन वाड जाली. तशेंच कार, बस, ट्रक आनी ऑटो अश्या हेर वाहनांक लागून जावपी मरणांचो आंकडो देंवला.
हॅल्मेट वापरप ना, वेगूय घातकी
२०२२ वर्सा देशांतल्या नोंदणीकृत वाहनां मदलीं ७४% वाहनां दुचाकी आशिल्लीं. २०१४ वर्सा हो आंकडो १३.९ कोटी आशिल्लो, जो २०२२ वर्सा वाडून २६.३ कोटी जालो. वेगान चलोवप, हॅल्मेटाचो उणो वापर, गांवगिर्या वाठारांत दळमळीत कायदो आनी सुवेवस्था हीं मरणाचीं मुखेल कारणां आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
