भांगरभूंय | प्रतिनिधी
दर्या म्हणलो काय पेंवप आयलें. तें ल्हान पिरायेचेर शिकपाक जाय. ते खातीर न्हंयो आसात. तुमकां पेंवपाच्या सरकारी तलावांचेरुय वचूं येता.
गोंय राज्य ल्हान आसलें तरी ताका 105 किलोमिटर दर्यादेग मेळ्ळ्या. हाका लागून दर्या मळाचेर करियर करपाक तुमकां चड संद मेळूं येता. आतां दुचाकी चलोवप गरजेचें जाला, तशें पेंवपाक येवप हें पसून खूब गरजेचें जालां. तातूंत व्यायामूय जाता. दर्या मळाचेर करियर करतले जाल्यार तुमकां पेंवपाक येवंक जाय.
मर्कंटायल नेव्ही हें अशेंच एक आकर्शक करियर. हालींच जाल्ल्या सिंदूर आॅपरेशनांत नौदलान व्हडली कामगिरी केल्या. दर्या भितर खूब संदी आसात. बीएस्सी नाॅटिकल सायन्स आसूं ना जाल्यार नेव्ही सारकी शाखा, तातूंत खूब संद आसा. पूण हें करतना तुमकां सुरक्षेचें पळोवपाक जाय. तुमकां जर शिकपाक कठीण लागता, तर तुमी डाॅ. भार्गवी बडे हांचे कडल्यान मार्गदर्शन घेवं शकतात, ती गोंयकारां खातीर नवी न्हय. तांची येत्या 25 मेक आॅनलायन वेबीनार आसा. तुमकां हे नदरेन तो फायदेशीर थारूं शकता.
वैजकी परिक्षा आमी नोकरेक लागत जाल्यार रोखडीच करतात, डॉ बर्डे सांगतात. तुमी तुमची वैजकी चाचणी जाता तितले बेगीन करशात तितलें बरें. एखादें दुयेंस जर आसत तर तुमकां ताचेर उपाय करपाक मेळटले. हांव जरी अर्थतज्ञ नासलें तरी तुमी नोकरेक लागले बरोबर विमो तशेंच राष्ट्रीयीकृत बँकेंत तुमचें पीपीएफ खातें उक्तें करूंक जायत. बचत करप सदांच बरें. विमो तर जायच. तुमची पिराय उणी आसल्यार पयशेय उणे भरचे पडटात, अशेंय ती सांगता. तुमी तांचे कडेन संपर्क करून वेबीनाराची म्हायती घेवपाक शकतात. 98813 98048 हो तांच्या घोवाचो फोन क्रमांक. तुमी तांकां [email protected] ह्या मेलाचेर संपर्क करूं शकतात. हे खेरीज तांचें संकेतस्थळ पळयात- www.drbadveshl.com हातून नोकरेक आसल्यार कितें जतनाय घेवपाची तें दोतोर सांगतली. ह्या वेबिनारांक नोकरेन आशिल्ले तशेच नोकरी करपाक इत्सुक आशिल्ल्या उमेदवारांनी जरूर वांटेकार जावचें. बरें मार्गदर्शन मेळटलें.
भारत सरकारन मेरीटायम व्हिजन 2023 तयार केलां. तातूंत कॅप्टन, इंजिनियर, शिपबिल्डर, डिझायनर, पोर्ट मॅनेजर, लाॅजिस्टीक तज्ञ सारक्या दर्याक लागीं आशिल्ल्या करियरांक संद मेळटली अशें स्पश्ट केलां. हाचें शिक्षण दिवपी संस्था लेगीत भारतांत आसा. गोंयांतल्या एमईएस वास्को सारक्या काॅलेजींत लाॅजिस्टीक विशय आसा. गोंयांतलें हो अभ्यासक्रम शिकोवपी तें एकसुरें काॅलेज. 2008 वर्सा सुरू जाल्लें आयएमयू इंडियन मेरिटायम विद्यापीठ हे संस्थेचें मुख्य केंद्र आसा. चेन्नाय, कोची, कोलकाता, मुंबय बंदर, विशाखापट्टणम हांगा तांच्यो काॅलेजी आसात. हांगा पदवी तशेंच पदव्युत्तर शिक्षण मेळटा. गोंयांतल्या आयटीआय केंद्रांनी ड्रोन पायलट अभ्यासक्रम तशेंच रोबोटिक्स अभ्यासक्रम लेगीत सुरु करपाचे आसात.
बोटींचें रिसायकलींग करपांत आमचो देश संवसारांत पांचव्या क्रमांकाचेर आसा. बोटीं बांदपांत संवसारांत 21 व्या क्रमांकाचेर आसा. जर हांगा नोकरी मेळ्ळी जाल्यार तुमचो जीव तुमकांच सांबाळचो पडटा. बुट घालपाक जाय, ग्लोव्हज वापरपाक जाय, अशे जायते नेम केल्यात. आळस वा घाळपणा केल्यार जिवाचें बरें, वायट जावंक शकता. दर्या म्हणलो काय पेंवप आयलें. तें ल्हान पिरायेचेर शिकपाक जाय. ते खातीर न्हंयो आसात. तुमकां पेंवपाच्या सरकारी तलावांचेरुय वचूं येता. ह्या मळाचेर तुमी बीएस्सी नाॅटिकल सायन्स, बीटॅक मरीन इंजिनियरींगूय करपाक शकतात. आयएमयुचो नामो आसा, ईस्ट कोस्ट रोड सॅमसन चेरी, चेन्नय 600119, फोन – 044- 24539020, ईमेल आसा, [email protected], संकेतस्थळ imu.ac .in हाका तुमी जरूर भेट दियात.
प्रा रामदास केळकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
