भांगरभूंय | प्रतिनिधी
राष्ट्रीय क्रूझ पर्यटनाचो आराखडो तयार
नवी दिल्ली ः देशांतल्या दर्यादेगेवेल्या वाठारांनी चार क्रूझ सर्किट जातले. हाचो मॉडेल ड्राफ्ट कोचीन पोर्ट ट्रस्टान तयार केला. हे चारय सर्किट 9 राज्यां, दोन केंद्रशासीत प्रदेश आनी दोन जुंव्यांतल्यान 7500 किमी. पयस दर्यादेगेर वतले. जंय देशांतले 40% लोक रावतात. चारय सर्किटांचो विशय वेगवेगळो आसतलो, अशें ट्रस्टाचे अध्यक्ष एम बीना हांणी सांगलें. तांची लांबाय 500 ते 1000 किमी लांब आसतली.
खरें म्हणल्यार, पर्यटन मंत्रालयान देशाक क्रूझ हब करपा खातीर नॅशनल स्ट्रॅटेजी ऑफ क्रूझ टुरिझमचो आराखडो तयार केला. ट्रस्टान चार क्रूझ सर्किटांचो ब्लूप्रिंट जी- 20 पर्यटन संबंदीत पंगडाक सादर केला. चार नवी क्रूझ लायन – कोस्टा, एमएससी, नॉर्वियन आनी रॉयल कॅरेबियन ऑक्टोबर- नोव्हेंबर सावन देशांत सुरू करतले.
चारूय सर्किटांचे विशय वेगवेगळे आसतले.
पयलो सर्किट गुजरातांतल्या ओखा सावन वेरावाल मेरेन तयार जातलो. ताचो विशय तीर्थयात्रा पर्यटन आसतलो. तातूंत द्वारका, पोरबंदर, सोमनाथ, वेरावाल आनी दीव हांचो आस्पाव जातलो.
मुंबय ते सिंधुदुर्ग, गोंय, कन्नूर, कोझीकोड ते केरळाच्या बॅक वाॅटर्सा मेरेन वतलो.
विशय सांस्कृतीक पर्यटन आसतलो. मंत्रालयान ताका मान्यताय दिल्या. हातूंत केरळ पर्यटन खातें कन्नूर आनी कोझीकोड हांची उदरगत करपाक लागला. तिसरो कोझीकोड सावन कोचीन आनी तिरुवनंतपुरम मेरेन चलतलो. वेलनेस पर्यटन हो विशय. चवथो कोचीन सावन रामेश्वरम, मलप्पुरम, नेल्लौर आनी काकीनाडा मेरेन चलतलो. हांचो हेरिटेज टूरिझम हो विशय आसतलो. स्वदेश दर्शन येवजणे खाला ताची उदरगत जातली.
20 वर्सांत क्रूझ वापर वाडटलो
देशाच्या दर्यादेगेर 12 व्हड आनी 200 ल्हान बंदरां आसात. तशेंच 400 न्हंयो जोडपी 20 हजार किमी. परस चड लांब 110 उदकामार्ग आनी 1300 जुंवे आसात. सध्या 4 लाख लोक उदकामार्गाचो उपेग करतात. सरकारी अदमासा प्रमाण फुडल्या 20 वर्सांत सुमार 40 लाख लोक पर्यटन खातीर क्रूझ वापरतले. हाका लागून अडेज लाख नवे नोकऱ्योय तयार जातल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
