भांगरभूंय | प्रतिनिधी
भांगरभूंय । खबरां मेज
पणजीः आमी सगळे भारतीय कृशी संस्कृती सांबाळत आयल्यात. ऋषी- मुनींनी आमचेर तो संस्कार केला तो आमी अजून सांबाळटात. भारत हो कृशी प्रधान देश आसा आनी ह्या देशांतलो शेतकार आमच्या बापाय भशेन आसा. ही शिकवण सगळ्यांनी फुडले पिळगेक दिवपाक जाय. गाय ही मात आसा अशें कुंडयच्या श्री दत्त पद्मनाभ पिठाचे स्वामी ब्रह्मेशानंद स्वामी हांणी सांगलें.
कुंडय तपोभूमीत दिवाळेचे बलिप्रतिपदा निमतान भक्ती महायज्ञ आनी सामूहिक गोपूजन सुवाळो आयोजीत केल्लो. त्या वेळार स्वामी उलयताले. आयच्या दिसा गोवर्थनाची पूजा करतात. कारण गोरवांक सांबाळपा खातीर लागपी चारो गोवर्धन दिता. आमी पर्यावण, प्रकृती आनी सैमा खातीर कितें करतात, असो प्रश्न विचारून दरेका गांवांत गोशाळा जावपाक जाय अशें तांणी सांगलें. मनीस सैमा बगर सुखी जावपाक शकना. सैमांत सगळ्यांत रावपाक जाय हे गोवर्धन पूजा आमकां सांगता अशें तांणी फुडें सांगलें.
बलिप्रतिपदा निमतान पुरयताच्या मार्गदर्शना खाला सौ आनी श्री राजेंद्र नायक हांच्या मुखेल येजमानपदा खाला भक्ती महायज्ञ आनी एकादश सामूहिक गोपूज जालें. ह्या वेळार आरव्हीएक ग्रूप- कोईम्बत्तूरचे चॅरमन कुपूसामीजी, जस्टीस कुलशेखरन आनी दत्त पिठाचे संचालक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
