भांगरभूंय | प्रतिनिधी
भांगंरभूंय । प्रतिनिधी
कुडचडेंः कुडचडें हांगच्या दयानंद कला केंद्रा वतीन गोंयचे पयले मुख्यमंत्री सर्गेस्त दयानंद बांदोडकार हांचे 50वे पुण्यतीथ निमतान शालेय विद्यार्थ्यां खातीर भाऊंची जीण ह्या विशयाचेर आयोजीत केल्ले प्रश्न मंजुशा सर्तींत कुडचडेंच्या न्यू एज्युकेशनल इन्स्टिट्यूटान पयलें आनी दिगास- पंचवाडीच्या न्यू इंग्लिश हायस्कूल पंगडाक दुसरें इनाम मेळयलें.
भाऊचे जिणेचेर आदारीत अशी ही गोयांतली पयलीच प्रश्न मंजुशा सर्त आशिल्ली. दयानंद केला केंद्राचो अध्यक्ष मोर्तू नायक हांच्या संकल्पनेतल्यान ती आयोजीत केल्ली. केंद्राचो सचीव बंटी उडेलकार हाणे तिचें नियोजन आनी कार्यवाही केली. सर्तींत केंपें आनी सांगें तालुक्यांतल्या णण हायस्कूल पंगडांनी वांटो घेतिल्लो. सर्वोदय हायस्कूल कुडचडें, शारदा इंग्लिश हायस्कूल सावड्डें, गार्डियन एंन्जल्स कुडचडें, युनियन हायस्कूल सांगे आनी सीटी नायक हायस्कूल पंगडांचो तातूंत आसपाव आशिल्लो. अनिता नायक, नवीन खांडेकार आनी वनिता नायक हांणी पर्यवेक्षक म्हणून काम पळयलें.
दुसऱ्या सत्रांत प्राथमीश शाळा विद्यार्थ्यां खातीर आमचे भाऊ ही लघु निंबध लेखन सर्त जाती. तातूंत सर्वोदय हायस्कुलीचें साईश्वरी गवंडळकाराक पयलें (कोंकणी), न्यू इंग्लिंश हायस्कुलाचे गौतमी घाडीक दुसरें आनी सीटी नायक हायस्कुलाच्या श्रेया मनालकाराक तिसरें इनाम फावो जालें. निंबध सर्तीचे परिक्षण निवृत्त शिक्षक नारायण नायक हाणे केलें जाल्यार केशव नायक आनी सदानंद खांडेकार हांणी पर्यवेक्षक म्हणून काम पळयलें. जैतिवंत सर्तकांक प्रहर सावर्डेकार, मोर्तू नायक आनी मनोहर नायक हांचे हस्तुकीं इनामां भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
