दक्षीण गोंयांत 14 आनी 15 ऑक्टोबराक मर्यादीत उदका पुरवण
भांगरभूंय | प्रतिनिधी
मडगांव ः उदका लायनीचे दुरुस्तीचें आनी देखरेखीचें काम 13 ऑक्टोबर बदला 14 ऑक्टोबराक जातलें. ताका लागून दक्षीण गोंयांत 14 आनी 15 ऑक्टोबराक उदका पुरवण मर्यादीत आसतली.
भौशीक बांदकाम खात्यान दिल्ले म्हायती प्रमाण, शेळपें, सांगेंच्या कार्यालया खाला आशिल्ल्या 160 एमएलडी उदक शुध्दीकरण प्रकल्पाच्या 1400 मिमी एमएस आनी 1200 मिमी पीएससी उदका लायनीची देखरेख आनी दुरुस्तीचें काम 14 ऑक्टोबराक सकाळीं 9 ते सांजेच्या 5 मेरेन जातलें.
ह्या काळांत 100 एमएलडी उदक शुध्दीकरण प्रकल्प चालू आसलो तरी दक्षीण गोंयांतल्या सांगें, कुडचडें, केपें, सावड्डें, कुडटरी, कुंकळ्ळी, वेळळी, बाणवले, मडगांव, फातोड्ड्यां, नावेली, नुवें, कुठ्ठाळे, दाबोळे, वास्को आनी मुरगांव मतदारसंघांनी उदका पुरवण मर्यादीत उरतली. कोलवाचे फेस्त 13 ऑक्टोबराक आशिल्ल्यान देखरेख आनी दुरुस्तीचें काम एक दीस फुडें धुकललां अशी म्हायती आमदार व्हेंझी व्हिएगस हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
