भांगरभूंय | प्रतिनिधी
भांगरभूंय । प्रतिनिधी
मडगांवः अयोध्येंत श्रीराम मंदिर उक्तावणा निमतान कुंडयच्या स्वामी ब्रह्मेशानंद हाच्या मार्गदर्शना खाला दक्षीण गोंयांत मडगांवा 7 जानेवारीक चलो अयोध्या अभियान कार्यावळ जातली. ताचे अनुशंगान श्री दामोदराच्या पांया कडेन श्रीफळ दवोरून ताची सुरवात केली.
मडगांवचो आमदार दिंगबर कामत, नावेलीचो आमदार उल्हास तुयेंकार, आदलो राज्यसभा खासदार विनय तेंडुलकार, आदलो आमदार दामोदर नायक, दवर्लीचो जिल्हो पंचायत वांगडी परेश नायक, मडगांवचो नगराध्यक्ष दामोदर शिरोडकार, उपनगराध्यक्ष दीपाली सांवत, नगरसेविका सुनिता पराडकार, लता कोरगांवकार, नगरसेवक दमोदर वरक, राजेंद्र आजगांवकार, रुमडामळचो पंच विजय सूर्मे, मडगाव मार्केट अध्यक्ष विनोद शिरोडकार,आयोजन समितीचो अध्यक्ष रघुवीर शिरोडकार, सचीव सावळो नायक,भांडारी सुदेश नायक ह्या वेळार हाजीर आशिल्ले
अयोध्येंत प्रभू श्रीराम प्राणप्रतिश्ठा 500 वर्सां उपरांत जाता. हिंदू धर्मियां खातीर ही अभिमानाची गजाल आसा. ब्र्ह्मेशानंद स्वामीच्या फुडारा खाला चलो अयोध्या अभियानाक श्रीराम जयघोशान सुरवात जाता. ही कार्यावळ दरेका हिंदू धर्मियां खातीर आसा. ते खातीर एकवटीत जावन ह्या कामाक संघटीत जावपाचें आवाहन दिगंबर कामत हाणे ह्या वेळार केलें. कार्यावळीचें सूत्रसंचालन नम्रता परुळेकारान केलें. रघुवीर शिरोडकारान येवकार दिलो जाल्यार सुदेश नायकान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
