दक्षीण गोंयांत उबारपी मेडिकल कॉलेजीच्या खाजगीकरणाक विरोधः युरी आलेमांव

भांगरभूंय | प्रतिनिधी

मडगांवः दक्षीण गोंय जिल्हो हॉस्पिटलांत खाजगी वैजकी म्हाविद्यालय चलोवपा खातीर ट्रस्ट तयार करपाच्या मुख्यमंत्री डॉ. प्रमोद सावंत हांच्या प्रस्तावाचेर गोंयकारांचो विस्वास ना. ह्या ट्रस्टांत क्रोनी

क्रोनी कॅपिटलिस्ट विश्वस्त म्हून अासपाक शकतात. भाजप सरकारान आयसीयू, कॅथलॅब, न्यूरो सर्जरी युनिटाचेर लक्ष केंद्रींत करपाक जाय. तशेंच दोतोर, परिचारिका, तंत्रज्ञाना सयत सगले मंजूर कर्मचारी दक्षीण गोंय जिल्हो हॉस्पिटलांत बेगोबेग नियुक्त करचे. खाजगीकरणाक विरोध आसा, अशें विरोधी पक्ष फुडारी युरी आलेमांव हांणी म्हणलें.

मुख्यमंत्री डॉ. प्रमोद सावंत हांणी खाजगी वैजकी म्हाविद्यालय दक्षीण गोंयांतल्या हॉस्पिसिअो हॉस्पिटलांत सुरू करपाच्या हालीच केल्ले घोशणेचेर प्रतिक्रिया उक्तायतना, युरी आलेमांव हांणी सगले क्रोनी हॉस्पिटलिस्टच्या हातांत सोंपोवपाचें धोरण अापणायिल्ले खातीर भाजप सरकाराचेर टिका केल्या.

दक्षीण गोंय जिल्हो हॉस्पिटल हे गोंयकारांक सवाय दरांत भलायकी सेवा दिवपा खातीर काँग्रेस सरकारचो दूरदर्शी प्रकल्प आशिल्लो. हॉस्पिटलाच्या खाजगीकरणाक खंयच्याय प्रस्तावा आड एकवटींत लडो दिवन आनी विरोध करतले, अशी शिटकावणी युरी आलेमांव हांणी दिल्या.

दक्षीण गोंय जिल्हो हॉस्पिटलांत दोतोरांची 28 पदां रितीं पदां भरपाची आसा. ह्या रित्या पदांत 1 वरिश्ठ बालदुयेंस तज्ञ, दोन वरिश्ठ शल्यचिकित्सक, 1 वरिश्ठ ईएनटी सर्जन, एक वरिश्ठ नेत्र शल्यचिकित्सक, एक वरिश्ठ मानसोपचार तज्ञ, दोन वरिश्ठ ऑर्थोपेडीक सर्जन, दोन मेडिको कायदेशीर अधिकारी, तीन कनिश्ठ भूलतज्ञ आनी तीन वैजकी अधिकारी आनी हेर वैजकी अधिकाऱ्यांच्या पदांचो आस्पाव आसा, अशें युरी अालेमां हांणी नमूद केले.

राज्य सरकारान अजून गरजेचो आशिल्लो कार्डियाक कॅथ लॅप सुरू करूंक ना. गोंय वैजकी म्हाविद्यालयाचो कार्डिओलॉजीस्ट सप्तकांतल्यान एकदाच मडगांवां येवन कार्डियोलॉजी ओपीडी सेवा दिता, अशें युरी आलेमांव हांणी सांगलें.

न्यूरो सर्जरी युनीट केन्ना सुरू जातलो, हे अजून कोणाकूय खबर ना. सरकार फक्त आस्वासनां दितां. तांचे कडेन कार्यावळींचेर खर्च करपाक पयशें आसात, पूण भलायकी सेवे खातीर निधीचो उणाव आसा. नेफ्रोलॉजी, न्यूरोलॉजी, कार्डिओलॉजी, आयसीयू (इंटेन्सिव्ह केअर युनीट), आयटीयू (इंटेन्सिव्ह ट्रॉमा युनीट), सीसीयू (क्रिटिकल केअर युनीट), प्लास्टीक सर्जरी आणि एमआरआय (मॅग्नेटीक रेझोनान्स इमेजिंग), ऑन्कोलॉजी हे सारक्या सुपार स्पेशालिटी सेवा अजुनूय दक्षीण गोंय हॉस्पिटलांत उपलब्ध नात, अशें युरी आलेमांव हांणी सांगलें.

मेळिल्ले म्हायती प्रमाण 62 मंजूर पदांतल्यान 494 पदां भरल्यात. तातूंतले 159 कंत्राटी पद्दतीचेर आसात. आनी 155 पदां अजुनूय रितीं आसात. दक्षीण गोंय जिल्हो हॉस्पिटल हे रेफरल हॉस्पिटल जाला. दरेक दुयेंतींक जीएमसी वा खाजगी हॉस्पिटलांत धाडटात, असो आरोप युरी आलेमांव हांणी केलो.