भांगरभूंय | प्रतिनिधी
मडगांव, प्रतिनिधी: वीज दुरुस्ती कामा खातीर दक्षीण गोंयांत १७ डिसेंबराक लायट आसची ना अशें सांगिल्लें. पूण आतां वीज खात्याच्या अधीक्षक अभियंत्यांनी हो शटडाउन कांय कारणांक लागून रद्द केला, अशी नोटीस जारी केल्या.
दक्षीण गोंयच्या लायटीच्या सरयां सयत उपकेंद्रांतलें वर्सुकी दुरुस्तीचें काम करपाचें आशिल्लें. ताका लागून १७ डिसेंबराक सकाळीं ७ ते दनपरां ३ ह्या वेळार दुरुस्तीच्या कामा खातीर लायट उडोवपाचे आशिल्ले. हाचो परिणाम राय, कुडतरी, लोटले आनी माकाझन हे कांय वाठार सोडून दक्षीण गोंयच्या हेर भागांतल्या लायटीचेर जावपाचो.
हे विशीं आकें मडगांव कार्यालयांतले अधीक्षक अभियंता राजीव सामंत हांणी चार दिसां पयलीं नोटीस जारी केल्ली. पूण सोमारा सकाळीं कांय कारणांक लागून वर्सुकी दुरुस्तीचें काम रद्द केल्ल्याची नोटीस जारी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
