भांगरभूंय | प्रतिनिधी
मुआन, खबरां संस्था: दक्षीण कोरियेक आयतारा एक विमान क्रॅश जाल्ल्याची घडणूक मुखार आयल्या. विमान लँडिंग करतना क्रॅश जाल्ल्यान हो अपघात घडलो. ह्या अपघातांत १८१ प्रवाशां मदले १७९ प्रवाश्यांक मरण आयलें. अपघाताचो व्हिडिओय मुखार आयला. हें विमान लँडिंगा वेळार धांवपट्टीचेर अचकीत निसरता आनी त्या विमानाचो स्फोट जाता अशें व्हिडियोंत दिसता.
चड म्हायती प्रमाण, ह्या विमानांत १८१ जाण प्रवास करताले. तांतले १७५ प्रवासी आनी ६ क्रू मेंबर्स आशिल्ले. दक्षीण कोरियांतल्या मुआन (Muan International Airport) आंतरराष्ट्रीय विमानतळार हो अपघात जालो. विमानतळाच्या शिमेवेले वणटीक आदळ्ळ्या उपरांत विमानाचो स्फोट जालो आनी विमानाक उजो पेटलो. हे घडणुकेक लागून मुआन आंतरराष्ट्रीय विमानतळार बोच बोवाळ जालो. विमानाक उजो लागले उपरांत सगळ्याक धुंवर जालो. विमानाच्या लँडिंग गिअर इबाडिल्ल्यान विमान धांवपट्टीचेर निसरलें अशी म्हायती मेळ्ळ्या.
मात, ह्या उज्याचे आनी अपघाताचें नेमकें कारणाचो तपास सद्या चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
