भांगरभूंय | प्रतिनिधी
केप टावन, खबरां संस्था: दक्षीण आफ्रिकेंतल्या सलदानहा शारांत वेस्ट कोस्ट एअर शो मजगतीं विमान कोसळून पायलटाक मरण आयलें. शेनवारच्या ह्या अपघाताचो व्हिडिओ आयज सोशल मिडियाचेर व्हायरल जाला.
क्रॅश जावचे पयलीं विमान मळबांत भोंवताडे मारतना दिसता. शोच्या आयोजकांनी पायलटाचें नांव जेम्स ओ’कॉनेल आशिल्ल्याचें सांगलें.
मिडिया रिपोर्ट्स प्रमाण, कॉनेल हो अणभवी पायलट आशिल्लो. एअर शो मजगतीं तो इम्पाला मार्क १ विमानाच्या खाशेलपणाचीं प्रात्यक्षिकां दाखयतालो. हो एअर शो पळोवपाक हजारांनी लोक जमिल्ले. थंय आशिल्ल्यांनी सांगलें, विमान चडसो वेळ पायलटाच्या नियंत्रणा खाला आशिल्लें, मात अचकीत विमानाची उंचाय उणी जाली आनी तें वेगान जमनीचेर येवपाक लागलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
