भांगरभूंय | प्रतिनिधी
2019 ते 2023 ह्या पांच वर्सांत 15 अधिकारी निलंबीत
पणजीः 2019 ते 2023 ह्या पांच वर्सांत दक्षता संचालनालयान 96 कागाळी निकालांत काडटना वट्ट 15 अधिकाऱ्यांक निलंबीत केल्यात. 2023 वर्साच्या निमाणे मेरेन दक्षता संचालनालयांत 73 कागाळी प्रलंबीत आशिल्ल्याची म्हायती अर्थीक सर्वेक्षण अहवालांत दिल्या.
2019 ते 2021 ह्या तीन वर्सांत कागाळी निकालांत काडपा वांगडा आरोपपत्र दाखल करपाचें प्रमाण चड आशिल्लें. पूण 2022 आनी 2023 वर्सा कागाळी निकालांत काडपा वांगडाच आरोपपत्र दाखल करपाचें प्रमाणय उणें जालां अशें आंकडेवारींतल्यान स्पश्ट जाता.
दक्षता संचालनालयान 2019 वर्सा 38, 2020 वर्सा 17, आनी 2021 वर्सा 28 कागाळी निकालांत काडिल्ल्यो. 2022 वर्सा फकत 5 आनी 2023 वर्सा 8 कागाळी दक्षता संचालनालयान निकालांत काडल्यात.
आरोपपत्र दाखल करपाचो विचार केल्यार, 2019 ते 2021 मेरेन आरोपपत्र दाखल करपाचे प्रमाण चड आशिल्ले. 2022 आनी 2023 ह्या दोन वर्सांत ते प्रमाण उणे आसा. दक्षता संचालनालयान 2019 वर्सा 38, 2020 वर्सा 17, आनी 2021 वर्सा 28 कागाळींत आरोप पत्र दाखल केल्यात. 2022 वर्सा 5 आनी 2023 वर्सा 8 कागाळींनी आरोपपत्र दाखल केल्यात.
2019 ते 2023 मेरेन 15 अधिकारी निलंबीत केल्यात. 2022 वर्सा 10 अधिकारी निलंबीत केल्यात. 2019 वर्सा दोन अधिकारी आनी 2020, 2021, आनी 2023 वर्सा दरेकीं एक अधिकारी निलंबीत केलां. दक्षता संचालनालया कडेन नव्यो कागाळीं येवपाचोय आंकडो उणो जाला. आदल्यो कागाळी प्रलंबीत आशिल्ल्यान वर्साचे अखेरेक प्रलंबीत कागाळींचो आंकडो वाडत आसा. ही म्हायती अर्थीक सर्वेक्षणाच्या अहवालांतल्यान मेळ्ळ्यां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
