भांगरभूंय | प्रतिनिधी
भांगरभूंय । प्रतिनिधी
फोंडेंः थोरलेंमळ- कालें हांगच्या कलनाथ आरती मंडळान सरस्वती पूजना निमतान आयोजीत केल्ल्या गोंय पांवड्या वयल्या घुमट आरती सर्तींत नवसाई आरती मंडळ (बोरये) हांका पयलें इनाम फावो जालें. दुसरें इनाम ब्राह्मणी देवी घुमट आरती मंडळ (तळें – पाळी) आनी तिसरें इनाम हेरंब घुमट आरती मंडळ (धारगळ – पेडणे) हांका मेळ्ळें. .पयले उमेद वाडोवपी इनाम केळबाय सातेरी आरती मंडळ (कुर्टी), दुसरें वैरागी नवदुर्गा आरती मंडळ (मडकय) आनी तिसरें अष्टविनायक लिंगदेव आरती मंडळ (काकोडें – कुडचडें) हांका दिलीं.
बरें गायन – खुशाली जल्मी ( ब्राह्मनी देवी घुमट आरती मंडळ (तळें – पाळी), घुमट संच- शांतादुर्गा नितकारी आरती मंडळ ( पिर्ण ), उत्कृष्ट कासाळे वादक – ध्रुव नायक ( वटादेव आरती मंडळ, करंजाळे – मडक) आनी शामेळ वादन – संकल्प गावकार ( सातेरी पिसानी आरती मंडळ, कळसय – दाबाळ) हांका दिलीं.
हे घुमट आरती सर्तीचें उक्तावण किर्लपाल- दाबाळचो आदलो सरपंच आनी सध्याचो पंच वागंडी रमाकांत गांवकार हाणे केलें. ह्या वेळार कालेंचो सरपंच नरेंद्र ऊर्फ बबन गांवकार, पालक-शिक्षक संघचो अध्यक्ष सिद्धार्थ खुटकार, कलनाथ आरती मंडळाचो अध्यक्ष सिद्धार्थ धामसेकार हाजीर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
