भांगरभूंय | प्रतिनिधी
भांगरभूंय । खबरां मेज
पणजीः पर्वरेच्या थॉमस स्टिवन्स कोंकणी केंद्रा वतीन गोरेगांव- मुंबय सेमिनारींत धर्मीक शिक्षण घेतात तांचे खातीर 20 दिसांचो कोंकणी भास प्रशिक्षण शिबीर आयोजीत केल्लो. 13 जाणांनी तातूंत वांटो घेतिल्लो. गोरेगांव सेमिनारीच्या अधिकाऱ्यांचे मागणे प्रमाण केंद्रान देवनागरी आनी रोमी कोंकणीचो खास वर्ग धर्मीक नदरेंतल्यान
थारावन ताचें फावो तशें आयोजन केल्लें.
हे वर्ग 12 ते 29 एप्रिल मेरेन केंद्राचे वास्तूंत जाले. पाद्रिपणाचें शिक्षण घेतल्यांक धर्मीक प्रवचन वा सेरमांव कोंकणींतल्यान सांगपा खातीरचें प्रशिक्षण दिवप हें ह्या शिबिराचें खाशेलेंपण आशिल्लें. तातूंत मागणें, कुमसार जांवक येतल्यांलागीं कशे तरेन संवाद सादप, वेगवेगळे साक्रामेंत हांचो आसपाव आशिल्लो. गरज पडल्यार दर वर्साच्या शेवटाक हे तरेचो खासा धर्मीकां खातीर आपलें मिसांव फावो ते रितीन जावपा खातीर गोयांत तेच परी कोंकणी
वाठारांत यशस्वी रितीन घडोवन हाडपा खातीर कोर्साची मदत करुंयेता अशें ह्या शिबिराचे समन्वयक
फादर जुझे सिल्वेरा हांणी सांगलें
फादर केल्वीन मोंतेरो आनी फादर जुझे सिल्वेरा हांणी धर्मीक प्रवचनां, मागणें, साक्रामेंत, कुमसार ह्या
संबंधीचें प्रशिक्षण दिलें. त्याच प्रमाण डॉ. पांडुरंग फळदेसाय आनी स्वरा पेडणेकार हांणी कोंकणी उतरावळ,
उच्चारण आनी व्याकरणा विर्शीचें प्रशिक्षण दिलें ह्या प्रशिक्षण काळांत कांय कोंकणी चलचित्रां पळोवपाची संद मेळोवन दिली. तांतूत तियात्र, नाटक आनी फदर डॉ. लुईस गॉमिश हांचें तियात्रावेलें व्यख्यान आनी गोवा दर्शन अश्या गजालींचो हांतूत आसपाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
