भांगरभूंय | प्रतिनिधी
निळकंठ हळर्णकारः थिवी कला आनी खेळां महोत्सव 2023च्या सांगता
भांगरभूंय । प्रतिनिधी
म्हापशें: बार्देस म्हालांत रवींद्र भवनाचो उणाव आसा. हो प्रस्न खूब वर्सां आडकून पडला. थिवी मतदारसंघांत आमी जमीन पळयल्या. थंय रवींद्र भवन बांदपाचो विचार आसा, अशें मंत्री निळकंठ हळर्णकार हांणी सांगलें.
थिवी पंचायत आयोजीत कला आनी खेळां महोत्सव 2023च्या सांगता सुवाळ्यांत मंत्री हळर्णकार मुखेल सोयरे म्हूण उलयताले. माडेलांतल्या फाज कॉलनींतल्या भोवउद्देशी सभाघरांत ह्या महोत्सवाचो लोक नाच सर्त आनी इनामां भेटवण सुवाळ्यांत समारोप जालो.
ह्या वेळार सरपंच अर्जुन आरोसकार, उपसरपंच हर्षता कळंगूटकार, पंच सुनिता साळगांवकार, समिक्षा मयेंकार, व्यंकटेश शिरोडकार, शिवम परब, सचीव धीरज गोवेकार, महोत्सवाचे अध्यक्ष सुभाष कवठणकार, कॉलनीचे अध्यक्ष पार्सेकार, परिक्षक लाडू परवार, प्रा. दिलीप पलसरकार आनी शौनक कवठणकार हाजीर आशिल्ले.
महोत्सवांतले टेनीस क्रिकेट सर्तींत ए के बॉयज पंगड जैतिवंत थारलो. तांकां करंडक आनी 25 हजार रुपयांचें इनाम फावो जालें. उपजैतिवंत बांदेश्वर बॉयज हांकां करंडक आनी 15 हजार रुपयांचें इनाम फावो जालें. मॅन ऑफ सिरीज मनोज मयेंकार, उकृश्ट बॅट्समन मनोज हळर्णकार आनी उत्कृश्ट बॉलर विनायक साळगांवकार हांकां वैयक्तीक इनामां भेटयलीं.
फुगडी सर्तीचें पयलें इनाम 10 हजार रुपया आनी करंडक श्री सांतेरी महामाया राष्ट्रोळी संघ, दुसरें इनाम 7 हजार रुपया आनी करंडक श्री राष्ट्रोळी ब्राह्मणसंघ, तिसरें इनाम 5 हजार रुपया आनी करंडक लक्ष्मीनारायण पंगड आनी उमेद वाडोवपी इनामां श्री महागणपती फुगडी मंडळ आनी आश्रया ग्रूप हांकां फावो जालीं.
दादल्यांचे भजन सर्तींत पयलें इनाम 10 हजार रुपया आनी करंडक श्री राष्ट्रोळी भजन मंडळ, दुसरें इनाम 6 हजार रुपया आनी करंडक श्री महागणपती मंडळ, तिसरें 4 हजार रुपया आनी करंडक श्री सांतेरी महामाया राष्ट्रोळी हनुमान संघ हांकां फावो जालें.
50 पिराये वयले डबल बॅडमिंटन सर्तींत 10 हजार रुपया आनी करंडक अशें पयलें इनाम प्रा. सुभाष कवठणकार आनी शशिधरन ए के, दुसरें 5 हजारांचें इनाम बर्नाड डिसोझा आनी आलेक्स फर्नांडीस हांकां फावो जालें.
50 पिराये सकयले डबल बॅडमिंटन सर्तींत 10 हजार रुपया आनी करंडक अशें पयलें इनाम राजेश रेपाल आनी सुजल तिरोडकार, दुसरें 5 हजारांचें इनाम कृष्णप्रसाद शशिधरन आनी विष्णू आराकल हांकां फावो जालें.
बायलांचे भजन सर्तींतलें पयलें इनाम 10 हजार आनी करंडक श्री महागणपती महिला भजन मंडळाक, दुसरें इनाम 6 हजार रुपया श्री सांतेरी महामाया सांस्कृतीक महिला मंडळ, तिसरें इनाम 4 हजार रुपया श्री गणेश महिला भजनी मंडळ तशेंच उमेद वाडोवपी इनाम राष्ट्रोळी भजनी महिला मंडळाक फावो जालें.
तीन खेळगड्यांच्या फुटबॉल टायब्रेकर सर्तींत धानवा बॉयज संघ हांकां 10 हजार रुपयांचें पयलें, जे के बॉयज धामाडे हांकां 5 हजार रुपयांचें दुसरें इनाम फावो जालें. उत्कृश्ट गोलकिपर सिरील परेरा आनी सगळ्यांत चड गोल मारपी गौरव आरोलकार हांकां वैयक्तीक इनामां फावो जालीं.
लोकनाच सर्तींतलें 15 हजार रुपयांचें पयलें इनाम आनी करंडक श्री महागणपती नृत्य संघ माडेल, 10 हजार रुपयांचें दुसरें इनाम आनी करंडक फाज हावसींग कॉलनी लोकनृत्य संघ, श्री राष्ट्रोळी महिला मंडळ शिवराकवाडो हांकां तिसरें जाल्यार श्री राष्ट्रोळी ग्रूप शिवराक वाडो हांकां उमेद वाडोवपी इनाम फावो जालें. सरपंच अर्जुन आरोसकार हांणी येवकार दिलो आनी प्रास्तावीक केलें. परिक्षक लाडू परवार हांणी लोकगीत सादर केलें. महोत्सवाचे अध्यक्ष प्रा. कवठणकार हांणी जैतिवंतांचीं नांवां जाहीर केलीं. ममता नायक हांणी सुत्रसंचालन केलें जाल्यार उपसरपंच हर्षता कळंगूटकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
