भांगरभूंय | प्रतिनिधी
म्हापशें: थिये दोगां चोरांनी दोन दुकानां फोडून ७५ हजार रुपया फारायले. तशेंच पोस्ट कार्यालयांतल्यान तिजोरी उखलून व्हरपाचो अपेशी यत्न केलो. चार दुचाकी आनी एक गाडी मोडली. तशेंच एका मनशाक सुर्याचो भंय दाखयलो.
हीचोरयेची घडणूक बिरेस्तारा ७ तारखेर फांतोडेर २ ते ५ वरां मजगतीं घडली. दोगां चोरांचीं मुखामळां सीसीटीव्ही फुटेजींत आयल्यांत. हे नदरेन कोलवाळ पुलीस तपास करतात. हे विशीं दुकान धनी तिथीला च्यारी आनी नीलेश बदाचे हांचे सयत पोस्ट कार्यालयांतल्या अधिकार्यांनी पुलिशेंत कागाळ केल्या.
दुबावीत चोरांनी होळावणे, थियेचे बोस्टीयन रेसीडेन्सी इमारतीचे तळ माळयेर आशिल्लें कागाळदार मिथीला च्यारी हांचें विश्वकर्मा जनरल स्टोअर आनी शेजारचें नीलेश बदाचे हांचें अंश लीकर स्टोअर ह्या वायन स्टोअर दुकानांच्या शटराचीं कुलपां मोडून भितर प्रवेश केलो. च्यारी हांच्या दुकानांतले १० ते १२ हजार रूपया, जाल्यार बदाचे हांच्या दुकानांतले ६३ हजार रूपया चोरले. तशेंच एक बिअरीची बाटलीय पियेले.
सध्या पुलीस ह्या चोरांचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
