भांगरभूंय | प्रतिनिधी
कारवार: थिये हांगासरली कोसावं डेरीक गेन्साल्वीश (40) ही बायल कर्नाटकांतल्या शिरशी हांगा सावन बेपत्ता जाल्ल्याची कागाळ शिरसी पुलीस स्टेशनार नोंद जाल्या. फातिमा मान्युएल रॉड्रिगीश हांणी ही कागाळ नोंद केल्या.
कोसावं डेरीक गेान्साल्वीश ही 17 जून दिसा गोंयच्या शिरसी हांगासरल्या करिगुंडी रस्त्याच्या चौथ्या क्रॉसाचेर सोयऱ्यांच्या घरा गेल्ली. उपरांत 26 जून दिसा सकाळीं साडे स वरांच्या सुमाराक गोंया वचपा खातीर सिरशी बस स्टॅण्डार शिरशी-मडगांव बशींतल्यान वता म्हूण गेल्ली. पूण ती आपल्या गांवघरा गेली ना आनी सोयऱ्यांच्याय घराय परतून आयली ना अशें कागाळींत म्हणलां.
कोसावं डेरीक गोन्साल्वीश ही बायल खंयूय सांपडल्यार शिरशी स्टेशनाचे पुलीस उपनिरिक्षक हांकां 9480805264 वा 08384226260 ह्या क्रमांकाचेर संपर्क सादपाचें आवाहन पुलिसांनी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
