भांगरभूंय | प्रतिनिधी
पणजी: पर्यावरण आनी हवामान बदल खात्यान २०२५ वर्साच्या थारावीक दिसांनी रातचीं १० ते १२ वरा मजगतीं लाऊडस्पिकर वा भौशीक संबोधन उपकरणांचो वापर करपाक परवानगी दिवपी आदेश जारी केला.
२० एप्रील ईस्टराचो आदलो दीस, २८ ऑगस्ट चवथीचो विसर्जनाचो दुसरो दीस आनी ३१ ऑगस्ट चवथिचो विसर्जनाचो पांचवो दीस, ६ सप्टेंबर अनंत चतुर्दशी, १ ऑक्टोबर नवरात्रीचो निमाणो दीस, १९ ऑक्टोबर दिवाळीचो आदलो दीस, २१ आनी २२ नोव्हेंबर इफ्फी, २४ डिसेंबर नातलांचो आदलो दीस आनी २८ ते ३१ डिसेंबर नव्या वर्साचे आदले दीस, ह्या सांस्कृतीक/धर्मीक उत्सवांच्या दिसा खातीर ही परवानगी आसतली.
संबंदीत ग्रामपंचायत, नगरपालिका, म्हापालिका वा गोंय राज्यांतल्या व्यक्तीन केल्ल्या अर्जां प्रमाण परवानगी दितले. आवाजाच्या प्रदुशणाचेर नियंत्रण दवरपा कातीर संबंदीत अधिकार्यांची देखरेख आसतली. नेम मोडटल्यांचेर कायदेशीर कारवाय जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
