भांगरभूंय | प्रतिनिधी
खबरां संस्था
जकार्ताः संवसारीक क्रमवारींत चवथे सुवातेर आशिल्ल्या सुकांत कदमान पॅरालिम्पिकांतल्या भांगरा पदक जैतिवंत प्रमोद भगताक वांगडा घेवन खेळटना थायलंड पॅरा बॅडमिंटन सर्तींतल्या दादल्यांच्या दोट्टींत भांगरा पदक मेळयलें. एकोडींत प्रमोद आनी सुकांत हाकां दरेकी रुप्या पदकां मेळ्ळी.
सुकांत- प्रमोद जोडयेन एसएल 3, एसएल 4 विभांगातले दादल्याचे दोट्टीचे फायनलींत दुसरो सिडेड इवियोको ड्वियोको आनी फ्रेडी सेटिवान जोययेक 29 मिनटांत 21-18, 21-13 अशें हारयलें. सुकांताचे कारकिर्दींतलें दोट्टींतलें हे दुसरे वस्तादपण थारलें. हाचे पयलीं ताणे 2018 वर्सा युगांडा हागचे सर्तींत विक्रम कुमारा वांगडा भांगरा पदक मेळोवपाची कामगिरी केल्ली.
एसएल 4 विभागांतले एकोडेची फायनलींत सुकांताक दुसरो सिडेड फ्रान्साच्या लुकास मझूरका कडल्यान 2.21, 17-21 अशी हार खावची पडली. जाल्यार इंग्लंडाच्या डॅनियल बेथॉलान प्रमोदाक 21-13, 21-19 अशें हारयले.
एसएल 3 विभांगतले बायलांचे एकोडींत मनदीप कौरान भारताच्याच मानसी जोशीक 20-22, 21-19, 21-14 अशें हारोवन भांगरा पदक मेळयलें. तशेंच एसयू 5 विभागांतले फायनलींत मनिषा रामदासान जपानाच्या कायडे कामेयामावचेर 20-21, 21-12, 21-19 अशें जैत मेळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
