थायलंडची महाराणी माता सिरिकित अंतरली

भांगरभूंय | प्रतिनिधी

बँकॉक : थायलंडची महाराणी माता सिरिकित (93) काल रातीं संवसाराक अंतरली. राजा भूमिबोल अदुल्यादेज हांची ती घरकान्न.
माता सिरिकीत हांची थायलंडांतली भुमिका फकत राजघराण्यांतली वांगडी म्हूण नाशिल्ली. ग्रामीण उदरगत, पारंपरीक हस्तकला सांबाळप, पर्यावरण संरक्षण अशा समाजीक उपक्रमांनी तिचो सक्रीय वांटो आशिल्लो.
तिच्या मरणा उपरांत तिचो पूत थायलंडचो राजा महा वजिरालाँगकर्ण हाणें सर्वोच्च राजकी सन्मानां सयत तिच्या निमणें विधीचें आयोजन करपाचो आदेश दिलो. तशेंच राजघराणें आनी भौशीक अधिकाऱ्यांक एक वर्साचो शोककाळ घोशीत केलो. सिरिकित हिणें थायलंड हो “प्रजासुलभ राजपरिवार” म्हूण स्थापन करपाक मजत केली. खास करून गांवगिऱ्या वाठारांतल्या लोकां खातीर तिणें खूब वावर केला.