भांगरभूंय | प्रतिनिधी
माल येरादारी वेगान जाल्यार कोळसो प्रदुशणूय जातलें उणें
पणजी : कांसावली, इसोर्शी आनी सांकवाळे गांवांत रेल्वे कडल्यान जावपी उरिल्लें भुंयसंपादन हें रस्तो आनी थळाव्यांक सुविधा दिवपा खातीर जातलें. हाचो कोळसो येरादारी खातीर कसलोच संबंद ना, अशें सरकारान स्पश्ट केलें. हाचो तिनूय गांवांतल्या ग्रामस्थांकूच लाव जातलो अशें सरकारान म्हणलां. दोट्टीकरणाक लागून माल येरादारी वेगान जातलें. कोळसो प्रदूशण उणें जावपाकूय मजत जातली. खंयचेय स्थितींत राज्यांतल्या कोळशाचें प्रमाण वाडचें ना.
कांसावली, इसोर्शी आनी सांकवाळ गांवांत रेल्वे मंत्रालया वतीन ०.६ हेक्टर जमिनीचे भुंयसंपादन जातलें. हे विशीं अधिसुचवणी जारी जाल्या. रेल्वे लायनच्या एलायनमेंटांतूय सुदाधारणा करतले.
हॉस्पेट ते वास्को मेरेनच्या रेल्वे मार्गार कोळसो येरादारी खातीर उरिल्ले जमिनीचें संपादन केल्ल्याचो समज चुकीचो आसा. रेल्वे दोट्टीकरण प्रकल्प हो पर्यटना खातीर पुरो. हाका लागून माल येरादारी वेगान जातली. माल येरादारी वेगान जाल्ल्यान कोळसो प्रदुशणाचें प्रमाण देंवपाक मजत जातली, अशें मुख्यमंत्र्यांच्या कार्यालयांतल्यान स्पश्ट केलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
