थळावी भास आनी अस्मितायेक उदरगतींतली आडखळ समजुची न्हय: कुलपती
भांगरभूंय | प्रतिनिधी
३६ वो दिक्षांत सुवाळो उमेदीन
पणजी : थळावी भास, अस्मिता, भास, संस्कृतायेक आपले उदरगतींतली आडखळ समजची न्हय.ह्यो गजाली तुमचें सामर्थ्य, समतोलपणां आनी दुश्टीकोनाचो स्त्रोत आसा, अशें राज्यपाल तशेंच गोंय विद्यापीठाचे कुलपती पुसापती गजपती अशोक राजू हांणंी म्हणलें. शेनवारा विद्यापीठाच्या ३६ व्या दिक्षांत सुवाळ्याक ते उलयताले. ह्या वेळार कुलगुरू हरिलाल मेनन, केंद्रीय विज्ञान आनी तंत्रज्ञान खात्याचे सचीव अभय करंदीकार आनी हेर अधिकारी हाजीर आशिल्ले.
कुलपती हांणी, विद्यार्थ्यांनी आपल्या मुळा कडेन जोडून रावचें. ज्या मनशाक आपलें मूळ खबर आसता तो मनीस आपल्या मार्गावेल्यान रून भरकटपाची शक्यताय उणी आसता. आयज आमी मनोहरराय सरदेसाय हांची याद दवरूंक जाय.
तांणी थळावें साहित्य, संस्कृती उण्या दर्जाची असता हें मान्य करूंक ना. ह्यो परंपरा देश, संवसारीक पांवड्यार नोंद जावपाक जाय अशें तांचें मत आशिल्लें. उत्कृश्ठ जावचे खातीर तुमी कोण आसात हेंय घालपाची गरज नासता. जाल्यार तातूंत सुदारणा करपाची गरज आसता. हें समजून घेवपाक जाय, अशें तांणी सांगलें.
आमी कोण? हाचे पसून आमी खंयच्यान आयल्यात? हें वेगळे करपाक मेळना. आपल्या इतिहासा विशीं अभिमान आसपाक जाय. इतिहास तुमच्या महत्त्वाकांक्षांक दिका दितलो. गोंय विद्यापीठांतल्यान पद्वी घेतिल्ल्या विद्यार्थ्यांनी आपल्या वांगडा हांगच्या दृढ, तरी मुक्त दर्या, वाढ सदांच मुळा कडेन जोडिल्लें आसता, हें सांगपी हांगची तांबडी माती आनी मोडनासतना वळपी नाल्लांचे बागेची शिस्त आपल्या वांगडा घेवन वचची. येसाचो फाटलाव करतना नैतिकताय सोडूं नाका असो उलो पुसापती गजपती अशोक राजू हांणी मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
